2023-cü il Türkiyə üçün qızıl dövr oldu, ilk astronavtımız Alper Gezeravcını beynəlxalq kosmos stansiyasına göndərdik.

Bunu Sizinxeber.az-a açıqlamasında Türkiyə Kosmik Agentliyinin rəhbəri Yusuf Kıraç deyib.

O, Azərbaycan və Türkiyənin kosmik sahədə əməkdaşlığından danışıb: "Digər tərəfdən, Türkiyə öz istehsal etdiyi xəbərləşmə peykini-Türksat 6A-nı göndərdi. Bununla Türkiyə dünyada öz xəbərləşmə peykini hazırlayan 11-ci ölkə oldu. Beləliklə, həm peyk texnologiyası, həm də digər kosmik sahələrdə irəliləyişlər Azərbaycanla təcrübə mübadiləmiz üçün çox önəmlidir. Azərbaycanın bizə, bizim də Azərbaycana ötürə biləcəyimiz təcrübələr var. Hazırda Azərbaycan Kosmik Agentliyi (Azərkosmos) ilə çox yaxın fəaliyyət göstəririk. Azərkosmos və Türkiyə Kosmik Agentliyi olaraq gələcək layihələrdə birlikdə gözəl işlər ortaya qoyacağımıza inanıram. Eyni zamanda Türk Dövlətləri Təşkilatının üzvləri olaraq da peyk istehsalı və digər sahələrdə birlikdə fəaliyyət və hədəflərimiz var. İrəlidəki zamanlarda bu əməkdaşlığımız hər iki ölkəyə ciddi faydalar verəcək. Həm Azərbaycan, həm Türkiyənin peykləri var. Bunlar çox ciddi datalara malikdir. Bunların qarşılıqlı paylaşımı, bərabər işlənməsi, eyni zamanda birlikdə "Kosmik Hava Tətbiqi Mərkəzi"nin məlumatlarını birlikdə işləməklə iki ölkə arasında məlumat paylaşımında ciddi irəliləmələr əldə edə bilərik".

O, həmçinin Azərbaycanın peyklərindən alınan məlumatlar hər iki ölkə üçün ciddi nəticələrə gətirib çıxaracaq məlumatlardır: "İnanıram ki, hər iki ölkənin peyklərindən alınan məlumatlarla qarşıdakı vaxtlarda daha geniş analizlər apara biləcəyik".

Oxşar xəbərlər

Kosmik agentlik rəhbərlərinin Bakı bəyannaməsi qəbul edilib - FOTO

NASA-nın Aya endirdiyi kosmik gəmi aşıb

COP29 çərçivəsində Azərkosmos “Kosmik Liderlərin Sammiti”ni keçirəcək

XİN rəhbəri: Türkiyə TDT-yə üzv ölkələrlə münasibətlərin institusionallaşmasını vacib hesab edir

Ankarada Türk Aviasiya və Kosmik Sənaye Şirkətində hücumu həyata keçirən 3 terrorçudan ikisi zərərsizləşdirilib - YENİLƏNİB-1