Əlilliyi olan şəxslərin səyyar formada reabilitasiya vasitələri ilə təminatı işləri davam etdirilir.

Bu barədə APA-ya Əmək və Əhalinin Sosial Müdafiəsi Nazirliyindən məlumat verilib.

Bildirilib ki, Əmək və Əhalinin Sosial Müdafiəsi Nazirliyinin tabeliyindəki Dövlət Tibbi-Sosial Ekspertiza və Reabilitasiya Agentliyi bu dəfə paytaxtın Lökbatan və Sulutəpə qəsəbələri və Sumqayıt şəhərində yaşayan bir qrup əliliyi olan şəxsi ehtiyac duyduqları reabilitasiya vasitələri ilə evlərində təmin edib. 15 nəfər əlilliyi olan şəxsə mühərrikli təkərli oturacaq, ortopedik ayaqqabı, əsa, dördayaqlı dayaq vasitəsi və s. olmaqla ümumilikdə 32 reabilitasiya vasitəsi təqdim edilib.

Qeyd edilib ki, bu il müxtəlif regionlar üzrə 300 nəfərə yaxın əlilliyi olan şəxsə 1500-ə qədər reabilitasiya vasitəsi yaşadıqları ünvanlara aparılaraq verilib.

Oxşar xəbərlər

Bu ilin 7 ayında əlilliyi olan şəxslərə 64 min reabilitasiya vasitəsi verilib

Əlilliyi olan şəxslərə 71 min reabilitasiya vasitəsi verilib

Əlilliyi olan 53 min şəxsə reabilitasiya xidmətləri göstərilib

Qarabağ Regional DOST Mərkəzindəki “RehaPoint” Məntəqəsində mindən çox şəxsə reabilitasiya xidmətləri göstərilib

Əlilliyi olan 80 min şəxsə reabilitasiya xidmətləri göstərilib