Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyi tərəfindən daha 537 şəxs üçün peşə hazırlığı kursları təşkil olunub.

ƏƏSMN-dan APA-ya verilən xəbərə görə, onlardan 302 nəfəri üçün Agentliyin Bakı, Gəncə, Göyçay və Qarabağ Peşə Hazırlığı Mərkəzlərində, 235 nəfəri üçün özəl tədris müəssisələrində kurslar təşkil edilib. Kurslarda əmək bazarının tələblərinə uyğun peşələr üzrə nəzəri biliklər tədris edilməklə yanaşı, müəssisələrdə təcrübə keçmək imkanı da yaradılıb.

Hazırda peşə kurslarının təşkilində 142 özəl tədris müəssisəsi ilə əməkdaşlıq edilir.

Kursların sonunda məzunlara sertifikatlar təqdim edilir və onların yeni yiyələndikləri peşələr üzrə işlə təmin olunmalarına dəstək də göstərilir.

Oxşar xəbərlər

DMA daha 600 şəxs üçün peşə kursları təşkil edib

Kəlbəcərə köçürüləcək şəxslər üçün növbəti peşə kursuna start verilib

Laçına köçürülən 950-dən çox şəxsin məşğulluğu təmin olunub

Ceyhun Kərəmov: Şuşa Dövlət Peşə Təhsil Mərkəzində 3 yeni ixtisas tədris olunacaq

Agentlik: Peşə təhsili almaq üçün 16 mindən çox şəxs müraciət edib