Azərbaycanda 2025-ci ilin əvvəlinə olan rəqəmlərə görə əlilliyi olan şəxslərin sayı 498 min 442 nəfərdir.

“Sizinxeber.az”un məlumatına görə, ötən illə müqayisədə bu rəqəm 5243 nəfər və ya 1% azdır.

Son rəqəmlərə görə, ölkədə 18 və yuxarı yaşda əlilliyi olan 454 min 944 şəxs var. Onların 64 min 187-si orqanizmin funksiyalarının 81-100 faiz pozulmasına görə əlilliyi müəyyən edilmiş şəxslərdir. Orqanizmin 61-80 faiz pozulmasına görə əlilliyi olan 265 min 128 nəfər, 31-60 faiz pozulmasına görə əlilliyi müəyyən edilmiş şəxslər isə 125 min 629 nəfərdir.

Bundan başqa, əlilliyi olan uşaqların sayı (18 yaşadək) 43 min 498 nəfər təşkil edir.

Xatırladaq ki, hazırda ölkədə orqanizmin funksiyalarının 81–100 %, 61–80 %, 31–60 % pozulmasına görə əlilliyi müəyyən edilmiş şəxslərə müvafiq olaraq 600, 500, 400 manat müavinət verilir.

Oxşar xəbərlər

Bu gündən sosial müavinətlər, Prezident və fəxri adlara görə təqaüdlər artırılır

Azərbaycanda sosial müavinətlər, Prezident təqaüdləri və fəxri adlara görə təqaüdlər artırılıb