“Sahibkarlar tərəfindən manatla alınan kreditlərə təminat verilməsi Qaydası”na dəyişiklik edilib.

APA-nın məlumatına görə, Prezident İlham Əliyev bununla bağlı Fərman imzalayıb.

Qaydaya əsasən, zəmanət qeyri-neft sektorunda fəaliyyət göstərən və Azərbaycan Respublikası ərazisində sahibkarlıq fəaliyyətinin maliyyələşdirilməsi məqsədilə müvəkkil banka kredit sifarişi ilə müraciət edən sahibkarın öhdəlikləri üzrə verilir.

Dəyişiklik zəmanətin verilmədiyi hallarla bağlıdır. İndiyə qədər qüvvədə olan Qaydaya əsasən, kredit hesabatına əsasən, borcalanın kredit sifarişi tarixinə və ya zəmanətin verilməsi tarixinə kredit öhdəlikləri üzrə 60 gündən artıq (borcalanın zamin durduğu öhdəliklər istisna olmaqla) gecikməsi olduqda və ya son bir il ərzində qeyri-işlək kredit statusu almış kredit borcu olduqda zəmanət verilmir. Dəyişikliyə əsasən, kredit hesabatına əsasən, borcalanın kredit sifarişi tarixinə və ya zəmanətin verilməsi tarixinə kredit öhdəlikləri üzrə 30 gündən artıq gecikməsi olduqda və ya son bir il ərzində qeyri-işlək kredit statusu almış kredit borcu olduqda zəmanət verilməyəcək. Borcalanın zamin durduğu öhdəliklərin istisna edilməsi də bu bənddən çıxarılıb.

Qüvvədə olan Qaydaya əsasən, kredit hesabatına əsasən, borcalan hüquqi şəxsin nizamnamə kapitalında 25% və daha artıq payı olan fiziki və (və ya) hüquqi şəxslərin borcalanın kredit sifarişi tarixinə və ya zəmanətin verilməsi tarixinə kredit öhdəlikləri üzrə 60 gündən artıq (onların zamin durduqları öhdəliklər istisna olmaqla) gecikməsi olduqda və ya son bir il ərzində qeyri-işlək kredit statusu almış kredit borcları olduqda və kredit hesabatına əsasən, borcalanın kredit öhdəliyi üzrə zamin qismində çıxış edən fiziki və (və ya) hüquqi şəxslərin borcalanın kredit sifarişi tarixinə və ya zəmanətin verilməsi tarixinə kredit öhdəlikləri üzrə 60 gündən artıq (onların zamin durduqları öhdəliklər istisna olmaqla) gecikməsi olduqda və ya son bir il ərzində qeyri-işlək kredit statusu almış kredit borcları olduqda zəmanət verilmir. Dəyişikliyə görə, hər iki halda müddət 60 gündən 30 günə endirilib, zamin durduqları öhdəliklər isə artıq istisna hal sayılmayacaq.

Oxşar xəbərlər

Azərbaycan sahibkarları dövlət zəmanəti ilə 500 milyon manatdan artıq güzəştli kredit alıb [xfgiven_updateblue][/xfgiven_updateblue]

İpoteka və Kredit Zəmanət Fondu iqtisadçı-ekspertlərlə görüş keçirib [xfgiven_updateblue][/xfgiven_updateblue]

İpoteka və Kredit Zəmanət Fondunun nizamnamə kapitalı artırılıb - FƏRMAN [xfgiven_updateblue][/xfgiven_updateblue]

Azərbaycan sahibkarları dövlət zəmanəti ilə 550 milyon manata yaxın güzəştli kredit alıb [xfgiven_updateblue][/xfgiven_updateblue]

İndiyədək sahibkarlara güzəştli şərtlərlə 500 mln. manatdan artıq kredit verilib [xfgiven_updateblue][/xfgiven_updateblue]