Azərbaycan Respublikasının İpoteka və Kredit Zəmanət Fondunun Nizamnaməsində dəyişiklik edilib.

Sizinxeber.az xəbər verir ki, Prezident İlham Əliyev bununla bağlı Fərman imzalayıb.

Fərmana əsasən, Fondun nizamnamə kapitalı artırılıb. Fondun nizamnamə kapitalı 980 milyon 700 min manatdan 1 milyard 68 milyon 400 min manata qaldırılıb.

Azərbaycan Respublikasının İpoteka və Kredit Zəmanət Fondunun (bundan sonra – Fond) nizamnamə kapitalının artırılması (güzəştli ipoteka kreditlərinin maliyyələşdirilməsi) üçün 2024-cü ilin dövlət büdcəsindən Fonda ayrılan 87 milyon 700 min manat hesabına təmin ediləcək.

Maliyyə Nazirliyinə bu Fərmanda nəzərdə tutulan məbləğdə maliyyələşməni təmin etmək tapşırılıb.

Fond bu Fərmandan irəli gələn məsələləri həll etməlidir.

Oxşar xəbərlər

İpoteka və Kredit Zəmanət Fondunun nizamnamə kapitalı artırılacaq

"Fitch" İpoteka və Kredit Zəmanət Fondunun reytinqini yüksəldib

Azərbaycanda dövlət xəttilə verilən ipoteka kreditlərinin sayı 51 mini ötüb

İlin əvvəlindən İKZF-nin vəsaiti hesabına 365 mln. manatdan çox ipoteka krediti verilib