“AzerGold” QSC müqəddəs Qurban bayramı münasibətilə növbəti genişmiqyaslı sosial aksiya həyata keçirib. Cəmiyyətin fəaliyyət göstərdiyi bölgələri əhatə edən aksiya çərçivəsində Daşkəsən və Göygöl rayonlarında, eləcə də Naxçıvan Muxtar Respublikasında yaşayan 500-ə yaxın ailəyə bayram sovqatları təqdim olunub.

Bu barədə "Sizinxeber.az-Economocs"ə “AzerGold” QSC-dən məlumat verilib.

Sosial yardım kampaniyası Naxçıvan Muxtar Respublikasının Culfa rayonununu, Göygöl rayonunun Tülallar və Zurnabad kəndlərini, həmçinin Daşkəsən rayonunda yaşayan Birinci və İkinci Qarabağ müharibəsi şəhidlərinin ailələrini, müharibə iştirakçılarını, eləcə də sosial qayğıya ehtiyacı olan ailələri əhatə edib.

Qurban bayramı ərəfəsində Cəmiyyətin nümayəndələri yerli icra hakimiyyəti orqanlarının təmsilçiləri ilə birlikdə ailələri ziyarət edilib, “AzerGold” QSC kollektivi adından səmimi bayram təbrikləri çatdırılıb, müxtəlif növ zəruri ərzaq məhsullarından ibarət sovqatlar və qurban payları təqdim olunub.

Qeyd edək ki, “AzerGold” QSC tərəfindən mütəmadi olaraq müxtəlif sosialyönümlü layihələr, humanitar aksiyalar və icma dəstəyi proqramları həyata keçirilir. Bu təşəbbüslər regionlarda yaşayan əhalinin sosial rifahının yüksəldilməsinə və ictimai həmrəyliyin gücləndirilməsinə xidmət edir.

Oxşar xəbərlər

Daşkəsəndə Qurban bayramı münasibətilə sosial yardım aksiyası keçirilib - FOTO

Sumqayıtda Qurban bayramı münasibətilə iki minə yaxın ailəyə bayram payı verilib

Naxçıvanda Qurban bayramı münasibətilə bayram namazı qılınıb

Daşkəsəndə aztəminatlı ailələrə bayram sovqatı təqdim edilib

“AzerGold” Zəfər Günü münasibətilə Daşkəsəndə Vətən müharibəsi şəhidlərinin ailələrini və qaziləri ziyarət edib