Bu ilin I rübündə Naxçıvan Muxtar Resoublikasında dövlət əmlakının icarəsindən dövlət büdcəsinə 149,7 min manat vəsait daxil olub ki, bu da ötən ilin eyni dövrü ilə müqayisədə 11,7 dəfə çoxdur.

"Sizinxeber.az"un yerli bürosu xəbər verir ki, bunu yerli iqtisadiyyat nazirinin müavini, nazir vəzifələrini müvəqqəti icra edən Abbas İsmayılov bildirib.

Onun sözlərinə görə, yanvar-mart aylarında dövlət əmlakının icarəyə verilməsi ilə bağlı 84 yeni müqavilə bağlanıb, 62 icarə müqaviləsinin müddəti uzadılıb.

"Ötən ilin eyni dövrünə nisbətən yeni icarə müqavilələrinin sayı 2,1 dəfə, müddəti uzadılmış müqavilələrin sayı 1,9 dəfə artıb", - deyə nazir əvəzi qeyd edib.

Bundan başqa, onun sözlərinə görə, rüb ərzində Naxçıvanda 2 219 daşınmaz əmlak üzərində mülkiyyət hüquqları dövlət qeydiyyatına alınıb. Bu isə illik müqayisədə 8,1 % çoxdur.

Oxşar xəbərlər

Naxçıvanda dövlət əmlakının icarəsindən büdcəyə daxilolmalar 48 % artıb

Azərbaycanda dövlət əmlakları ilə bağlı icarə müqavilərinin sayı 21 % artıb

Azərbaycanda dövlət əmlakının icarəsindən büdcəyə daxilolmalar 8 % azalıb

Naxçıvanda 9 ayda sahibkarlara 76 lisenziya verilib

Naxçıvanda özəl sektorda əmək müqavilələrinin sayı bu il 2 dəfəyə yaxın artıb