“2024-cü ilin nəticələrinə əsasən, sığorta bazarının həcmi 1 milyard 353 milyon 185 min manat təşkil edib. Bu rəqəm sektorun maliyyə sistemindəki rolunun əhənmiyyətini göstərir”.

"APA-Economics" xəbər verir ki, bunu Azərbaycan Maliyyə Forumunda çıxışı zamanı Azərbaycan Sığortaçılar Assosasiyasının Müşahidə Şurasının sədri Ülviyyə Cabbarova deyib.

O bildirib ki, Azərbaycan Mərkəzi Bankı tərəfindən hazırlanmış “2024-2026-cı illərdə maliyyə sektorunun inkişaf Strategiyası” sığorta sektoru üçün olduqca əhəmiyyətlidir.

“Biz sığorta sektoru olaraq maliyyə bazarının digər iştirakçıları - banklar, investisiya qurumları və texnologiya şirkətləri ilə daha sıx əməkdaşlıq etdikcə, sektorun potensialı daha da genişlənəcək. Son illərdə rəqəmsallaşma bu sektorda yeni imkanlar açıb. Onlayn sığorta xidmətlərinin geniş yayılması, elektron müqavilələrin tətbiqi və avtomatlaşdırılmış həllərin inkişafı müştərilər üçün prosesi daha rahat və əlçatan edib. Ümumilikdə bütün gördüyümüz işlər elə məhz müştəri məmnuniyyətini artırılmasına və vətəndaşlara əlverişli imkanlar yaratmağa xidmət edir. Bunlar arasında təkmilləşdirilmiş mobil tətbiqlərin və yenilənmiş vebsaytların təqdim olunmasını, süni intellektin istifadəsi ilə xidmətlərin əlçatanlığının artırılmasını qeyd etmək olar” - Ü. Cabbarova əlavə edib.

Oxşar xəbərlər

Azərbaycan sığorta bazarının həcmi 1 mlrd. manatı ötüb [xfgiven_updateblue][/xfgiven_updateblue]

Vüsal Qurbanov: 2024-cü ildə sığorta bazarının həcmi 1,4 mlrd. manata yaxınlaşıb [xfgiven_updateblue][/xfgiven_updateblue]

Azərbaycanın sığorta bazarı 10%-ə yaxın böyüyüb [xfgiven_updateblue][/xfgiven_updateblue]

Ötən il Azərbaycanda könüllü sığorta 14%, icbari sığorta isə 2% artıb [xfgiven_updateblue][/xfgiven_updateblue]

ASA: Bu il sığorta bazarı 10 %-dən çox böyüyəcək [xfgiven_updateblue][/xfgiven_updateblue]