Oktyabrın 27-də Azərbaycanda qiymətləndirmə fəaliyyəti ilə məşğul olmaq istəyən şəxslər üçün ixtisas imtahanı keçirilib.

Bu barədə “Sizinxeber.az”a Azərbaycan Qiymətləndiricilər Cəmiyyətinin sədri, Türk Dövlətləri Qiymətləndiricilər Birlikləri Şurasının prezidenti Vüqar Oruc məlumat verib.

O bildirib ki, ixtisas imtahanına 7 qiymətləndirmə istiqaməti üzrə 142 nəfər namizəd qatılıb, onlardan 106 namizəd imtahanı müvəffəqiyyətlə başa vurub. Qanunvericiliyə əsasən, imtahandan uğurla keçən namizədlərə 5 iş günü müddətində qiymətləndirmə fəaliyyətinin müvafiq istiqaməti üzrə ixtisas şəhadətnaməsi veriləcək. Eyni zamanda, həmin şəxslərdən ibarət Azərbaycan Qiymətləndiricilər Palatası formalaşdırılacaq”.

V. Oruc əlavə edib ki, imtahanlara hazırlıq, rəsmi kursların keçirilməsi, sual bankının yaradılması, ekspertlərin prosesə cəlb olunması kimi istiqamətlərdə fasiləsiz fəaliyyətin qiymətləndirmə sektorunun ciddi şəkildə yenidən formalaşmasına gətirib çıxarıb.

Oxşar xəbərlər

Azərbaycanda qiymətləndiricilər üçün keçiriləcək ixtisas imtahanının vaxtı açıqlanıb

Qiymətləndirmə fəaliyyəti ilə məşğul olmaq istəyən şəxslər üçün ixtisas imtahanı keçirilib

Azərbaycanda Türk Dövlətləri Qiymətləndiricilər Birlikləri Şurasının qeydiyyatına başlanılıb

Qiymətləndirmə fəaliyyəti ilə məşğul olmaq istəyənlərin ixtisas imtahanına qeydiyyat elan edilib

Banklar Azərbaycan Qiymətləndiricilər Cəmiyyətində təmsil olunacaq