2023-cü ildə Maliyyə Monitorinqi Xidməti (MMX) 64 ölkənin xarici maliyyə kəşfiyyatı orqanlarına 126 məlumat göndərib.

“Report” bu barədə MMX-ya istinadən xəbər verir.

Məlumata görə, bu, 2022-ci illə müqayisədə müvafiq olaraq 2 dəfə və 3,4 dəfə çoxdur.

Göndərilmiş məlumatların 48,4 %-i Türkiyə, Rusiya, ABŞ, Ukrayna, BƏƏ, İsveçrə, Gürcüstan, Belarus, Litva, İtaliya, Böyak Britaniya və Kiprin payına, 51,6 %-i isə 52 digər ölkənin payına düşüb.

Bundan başda, 2023-cü ildə Xidmətə 25 xarici ölkənin maliyyə kəşfiyyatı orqanından 57 məlumat daxil olub ki, bu da 2022-ci ilə nisbətən müvafiq olaraq 13,8 % və 6,6 % azdır. Daxil olmuş məlumatların 24,6 %-i Rusiyanın, 12,3 %-i Türkmənistanın, 10,5 %-i Latviyanın, 7 %-i Almaniyanın, 5,3 %-i Ukraynanın, 3,5 %-i İtaliya, Çexiya və Maltanın, 1,8 %-i isə müvafiq olaraq Hindistan, Estoniya, Lixtenşteyn, Türkiyə, Norveç, Niderland, Man adası, Seyşellər, BƏƏ, Bəhreyn, Polşa, İsrail, Belarus, Vanuatu, Kipr, Filippinlər və Macarıstanın, 36,8 %-i isə digər ölkələrin payına düşüb.

Xatırladaq ki, MMX ölkə Prezidentinin 25 may 2018-ci il tarixli fərmanı ilə yaradılıb, dövlət başçısının 18 iyul 2018-ci il tarixli fərmanı ilə isə qurumun nizamnaməsi və strukturu təsdiq edilib. Onun nizamnamə kapitalı 10 min manatdır. Xidmətin əsas məqsədi cinayət yolu ilə əldə edilmiş pul vəsaitlərinin, əmlakın leqallaşdırılmasının və terrorçuluğun maliyyələşdirilməsinin qarşısını almaq üçün qanunla müəyyənləşdirilmiş tələblərə riayət olunmasına nəzarət etmək, bu sahədə vahid tənzimləməni həyata keçirmək, monitorinq iştirakçılarının, nəzarət və digər dövlət orqanlarının fəaliyyətini əlaqələndirmək, şəffaflığı və səmərəliliyi təmin etməkdir.

Oxşar xəbərlər

Azərbaycandan hava nəqliyyatı ilə sərnişindaşıma 33 % artıb: Hindistan, Qətər və İtaliya ilk onluğa daxil olub

Maliyyə Monitorinqi Xidmətində qeydiyyatdan keçmiş öhdəlik daşıyan şəxslərin sayı 11 dəfə artıb

Ölkənin audit bazarı 20 % böyüyüb

Azərbaycanda şübhəli hesab edilən maliyyə əməliyyatlarının sayı kəskin artıb

Azərbaycandan hava nəqliyyatı ilə səfər edənlərin sayı 32 % artıb