Azərbaycanda bütün icbari sığorta növləri üzrə 100 % əhatənin əldə edilməsi mümkündür.

“Sizinxeber.az” xəbər verir ki, bunu Azərbaycan Mərkəzi Bankının baş direktoru Ziya Əliyev İstanbulda keçirilən 13-cü Sığorta Həftəsi çərçivəsində təşkil olunan 3-cü Beynəlxalq Sığorta Zirvəsində bildirib.

"Biz Azərbaycanda icbari sığorta bazarının sabit inkişafını müşahidə edirik. Bu gün icbari avtomobil sığortası üzrə penetrasiya səviyyəsi artıq 100 %-ə çatıb. Ölkədə beş növ icbari sığorta növü tətbiq edilir və biz Mərkəzi Bank olaraq bu sahədə islahatlar aparmağa davam edirik. Bu islahatlar bütün icbari sığorta növlərinin tam əhatə olunmasına imkan verəcək", - deyə Z.Əliyev qeyd edib.

O, həmçinin Azərbaycanın maliyyə sistemində sığorta sektorunun əhəmiyyətinin artdığını vurğulayıb: "Son üç ildə sığorta şirkətlərinin aktivlərinin maliyyə sisteminin ümumi aktivlərindəki payı 3,2 %-dən 3,8 %-ə yüksəlib".

Tədbirdə Azərbaycan Sığortaçılar Assosiasiyasının icraçı direktoru Elmar Mirsalayevin rəhbərliyi ilə ölkənin aparıcı sığorta şirkətlərinin nümayəndələri iştirak edirlər.

Oxşar xəbərlər

Azərbaycanda “Sığorta fəaliyyəti haqqında” qanun dəyişib

İcbari Tibbi Sığorta Fonduna büdcədən ayırmalar 13 % artıb

“Banklar haqqında” qanunda dəyişiklik edildi

Sünnət əməliyyatı icbari tibbi sığorta hesabına aparılacaq

Naxçıvanda icbari tibbi sığorta daxilolmaları 17 % artıb