Şəffaflığı və ictimai iştirakçılığı artırmaq üçün Hesablama Palatasının internet səhifəsində “Qərarların (təkliflərin) izlənilməsi” və “Audit təklif et” altbölmələri yaradılıb.

"Report" xəbər verir ki, bunu Palatanın sədri Vüqar Gülməmmədov Bakıda keçirilən, "Auditor xidməti haqqında" qanunun 30 illiyinə həsr olunmuş "Yaşıl iqtisadiyyat zəminində hesabatlılıq və şəffaflıq" mövzusunda beynəlxalq konfransda bildirib.

"Dövlət auditinin təsirinin artırılması məqsədilə yaradılan “Qərarların (təkliflərin) izlənilməsi” altbölməsində audit olunan qurumlar üzrə verilmiş təkliflərin icra statusu (icra edilib, qismən icra edilib və s.) əks olunur və məlumatlar rüblük əsasda yenilənir. Bu tədbirin məqsədi ictimai nəzarət vasitəsilə audit təsirini artırmaqdır. Eyni zamanda, maraqlı tərəflərin gözləntilərinin və ictimai əhəmiyyət kəsb edən mövzuların fəaliyyətlərdə nəzərə alınması şəffaflığa müsbət təsir göstərir. Dövlət auditində ictimai iştirakçılığı təşviq etmək məqsədilə rəsmi səhifədə “Audit təklif et” altbölməsi də yaradılıb", - deyə o qeyd edib.

Oxşar xəbərlər

Azərbaycanda auditin inkişafına mane olan amillər açıqlanıb

Vüqar Gülməmmədov: "Bu il 187 milyon manatlıq maliyyə pozuntusu aşkarlanıb"

Hesablama Palatası Aqrar Kredit və İnkişaf Agentliyində nöqsanlar aşkarlayıb

Hesablama Palatası Naxçıvanın Sosial Xidmətlər Agentliyində nöqsanlar aşkarlayıb

Hesablama Palatası iki ali təhsil müəssisəsində nöqsanlar aşkar edib