Azərbaycan Mərkəzi Bankı ödəniş xidmətləri və ödəniş sistemləri haqqında qanununa dəyişiklik layihəsi hazırlayır.

“Sizinxeber.az-Economics" xəbər verir ki, bunu Azərbaycan Mərkəzi Bankının (AMB) Ödəniş xidmətləri və ödəniş sistemlərinin fəaliyyətinə nəzarət və siyasət departamentinin direktoru Ülfət Yusifov bu gün Bakıda keçirilən “FINTEX SUMMIT 2025 – Maliyyə və Texnologiyalar Sərgisi”ndə deyib.

O bildirib ki, Mərkəzi Bank hər zaman bazar iştirakçıları tərəfindən hər hansı innovativ məhsulların təqdim olunmasına müsbət yanaşıb:

"Biz çoxsaylı müraciətləri nəzərə alaraq Azərbaycan Respublikasının ödəniş xidmətləri və ödəniş sistemləri haqqında qanununa və ondan irəli gələn digər normativ aktlara müvafiq dəyişilik layihəsi hazırlayırıq. Həmin layihədə hesab edirik ki, bir çox ölkələrdə olduğu kimi maliyyə, ödəniş sektorunda innovativ xidmətlərin Azərbaycanda da göstərilməsi nəzərdə tutulacaq. Təbii ki, bu istiqamətdə riskləri də gözə alırıq və onların minimuma endirilməsi üçün əlimizdən gələni edəcəyik", - deyə AMB rəsmisi qeyd edib.

Oxşar xəbərlər

AMB qanunsuz işləyən ödəniş və elektron pul təşkilatlarına xəbərdarlıq edib

Mərkəzi Bank “Açıq bankçılıq” üzrə təsdiq olunan tələblərə dair açıqlama yayıb

AMB: Ötən il bank kartlarının dövriyyəsi 126 mlrd. manatı ötüb

Bakıda “Fintex sammit 2025 - Maliyyə Texnologiyalar Sərgisi” keçirilir

Zakir Nuriyev: Milli ödəniş sistemləri ilə əməliyyatların həcmi 606 mlrd. manata çatıb