Türkiyənin nəqliyyat və infrastruktur naziri Abdulkadir Uraloğlu iyunun 2-də Gürcüstanda keçiriləcək Bakı–Tbilisi–Qars (BTQ) dəmir yolunun rəsmi açılış mərasimində iştirak edəcək.

Bu barədə Sizinxeber.az-nın Türkiyə bürosuna nazirin mətbuat müşaviri Osman Bekar məlumat verib.

Mərasim Gürcüstanın Axalkalaki dəmir yolu stansiyası stansiyasında keçiriləcək. Tədbirdə Azərbaycan və Gürcüstandan da rəsmi şəxslərin iştirakı gözlənilir.

Qeyd edək ki, BTQ dəmir yolu 2017-ci ildən sınaq rejimində fəaliyyət göstərsə də, layihənin rəsmi istifadəyə verilməsi yalnız indi baş tutacaq. Magistralın ümumi uzunluğu 827 kilometrdir və bunun 213 kilometri Gürcüstan ərazisindən keçir. Layihənin Gürcüstan hissəsinin tikintisi Azərbaycan tərəfindən ayrılmış 775 milyon ABŞ dolları həcmində kredit hesabına maliyyələşdirilib. Kreditin layihədən əldə olunacaq gəlirlər hesabına geri qaytarılması planlaşdırılır.

Oxşar xəbərlər

BTQ dəmir yolunun rəsmi açılışı olacaq

Bakı-Tbilisi-Qars dəmir yolunun rəsmi açılış mərasimi keçiriləcək

Gürcü nazir: Bakı-Tbilisi-Qars dəmir yolu xətti Orta Dəhlizin dəyərini yüksəldəcək

Hakan Fidan: Bakı-Tbilisi-Qara dəmir yolunun tam gücü ilə işləməsinə böyük önəm veririk

Bakı–Sabunçu–Suraxanı dəmir yolunun açılışından 145 il ötür