Türkiyə ilə Gürcüstan Xəzər dənizinin enerji qaynaqlarını dünya bazarına çıxarmaqda əsas rol oynayır.

APA-nın İstanbul müxbirinin verdiyi xəbərə görə, bu barədə Türkiyə XİN rəhbəri Hakan Fidan Gürcüstanın xarici işlər naziri Maka Boçorişvili ilə birgə mətbuat konfransı zamanı bildirib.

O qeyd edib ki, iki ölkə uzun illər ərzində Bakı-Tbilisi-Ceyhan neft kəməri və Bakı-Tbilisi-Ərzurum təbii qaz xətti ilə enerji təhlükəsizliyinə töhfə verir.

H. Fidan, həmçinin, ölkəsinin Gürcüstanın yeni hakimiyyəti ilə güclü əməkdaşlığı davam etdirdiyini vurğulayıb.

Türkiyəli nazir Orta dəhlizin xüsusi önəmə malik olduğunu əlavə edib: “Bununla bağlı Orta dəhlizin ana sütunu olan Bakı-Tbilisi-Qara dəmir yolunun tam gücü ilə işləməsinə böyük önəm veririk”.

Oxşar xəbərlər

Nazir: Türkiyə ilə Azərbaycan hər zaman bir birinin yanında durub

Kobaxidze: Azərbaycan Gürcüstanın ən mühüm strateji tərəfdaşlarından biridir

Hakan Fidan ABŞ-də səfərdədir

Hakan Fidan və Marko Rubio arasında görüş baş tutub

Hakan Fidan Yunanıstanın xarici işlər naziri ilə görüşüb