Davamlılıq milli mənzil siyasətlərində əsas prioritetə çevrilib.

"Report" xəbər verir ki, bunu BMT-nin Məskunlaşma Proqramının (UN-Habitat) Qlobal Tədqiqat və Analitika Bölməsinin nümayəndəsi Matthijs van Oostrum Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində təşkil olunmuş "Siyasətdən Təsirə: Mənzil Təminatının Miqyasının Artırılması" adlı tədbirdə bildirib.

"Biz həmçinin ekoloji davamlılığın çox ön plana çıxan element olduğunu görürük. Davamlılıq əslində mənzil təminatının əsas meyarlarına daxil deyil. Biz "Habitat" olaraq bunun daxil edilməli olduğunu müdafiə edirik və bu, milli mənzil siyasətində də öz əksini tapır. Milli mənzil siyasətləri davamlılıq aspektlərinə böyük diqqət yetirir. Beləliklə, biz bundan nümunə götürməli, bunları beynəlxalq çərçivə sənədlərimizə daxil etməliyik".

Oxşar xəbərlər

UN-Habitat: Ölkələr milli mənzil siyasətlərini yeniləməlidir

UN-Habitat: Miqrantlar, nəqliyyat və boş mənzillər milli siyasətlərdə zəif əks olunur

UN-Habitat nümayəndəsi mənzil təminatındakı əsas çətinlikləri açıqlayıb

OECD: Mənzil problemi təcrid olunmuş deyil, sistemli şəkildə həll edilməlidir