Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) Baş katibinin müavini Zhang Ling IV Şuşa Qlobal Media Forumunda qurumun Asiyada rolunun gücləndirilməsinə yönəlmiş innovativ yanaşmasına görə Azərbaycana təşəkkür edib.

"Sizinxeber.az"un Şuşaya ezam olunmuş əməkdaşının məlumatına görə, o qeyd edib ki, 2024-cü ilin dekabr ayından bəri Azərbaycanın AQEM-ə sədrliyi dövründə Asiyada daha güclü əlaqələr olub.

Z.Ling vurğulayıb ki, Azərbaycan AQEM-də sədrliyi dövründə transformasiya prosesinin irəliləməsində liderlik nümayiş etdirib, təşkilatın davamlı inkişafını fəal şəkildə dəstəkləyib:

"AQEM-in regiondakı rolunun gücləndirilməsinə yönəlmiş innovativ yanaşmasına görə Azərbaycana çox minnətdarıq. Azərbaycan sədrliyinin son iki ildəki nailiyyətləri bu il oktyabrın 15-də Bakıda keçirilməsi planlaşdırılan AQEM-in 7-ci Sammiti ilə yekunlaşacaq. İnanırıq ki, bu tədbir növbəti mühüm mərhələ olacaq və üzv dövlətlərimizin əməkdaşlığını yeni zirvələrə qaldıracaq".

Oxşar xəbərlər

AQEM Gənclər Şurasının 9-cu iclası keçirilir

AQEM-in məqsədlərinin irəli aparılmasında Azərbaycanın sədrliyi yüksək qiymətləndirilib

AQEM: Azərbaycan nümunəvi liderlik nümayiş etdirir, regional əməkdaşlığa töhfə verir

Prezident AQEM-in Baş katibini qəbul edib

AQEM-in Qazaxıstanda yeni qərargahı açılıb