Azərbaycanla sərhədə doğru - Tbilisi-Sadaxlı və Tbilisi-Qırmızı Körpü istiqamətlərində yeni avtomobil yollarının tikintisi üçün layihələndirmə işlərinə start verilib.

“Sizinxeber.az” xəbər verir ki, bu barədə Gürcüstanın Baş naziri İrakli Kobaxidze parlamentdə illik hesabatla çıxışı zamanı bildirib.

Onun sözlərinə görə, yol tikintisinə bu ilin sonunadək başlanacaq və layihələrin 2028-ci ildə tamamlanması planlaşdırılır.

“Hazırda Bakı–Tbilisi–Qars (BTQ) dəmir yolu layihəsi çərçivəsində Gürcüstan ərazisində nəzərdə tutulan modernizasiya işləri də yekunlaşmaq üzrədir. Bu işlərin 98,5 %-i artıq tamamlanıb. Layihə başa çatdıqdan sonra BTQ xəttinin illik yükdaşıma qabiliyyəti 27 milyon tondan 48 milyon tona qədər artırılacaq. Bu isə regionun nəqliyyat-tranzit potensialının əhəmiyyətli dərəcədə güclənməsi deməkdir”,-– Baş nazir bildirib.

Qeyd edək ki, həm Bakı-Tbilisi-Qars dəmir yolu, həm də sözügedən avtomobil yolları Orta Dəhliz (Transxəzər Beynəlxalq Nəqliyyat Marşrutu) çərçivəsində mühüm əhəmiyyət kəsb edir və Avropa ilə Asiya arasında körpü rolunu oynayır.

Oxşar xəbərlər

İrakli Kobaxidze: Tbilisi İrəvanla Bakı arasında sülh prosesini alqışlayır

İrakli Kobaxidze: Gürcüstan Azərbaycanla ticarəti genişləndirməyə hazırdır

Anakliya limanı 2029-cu ilə qədər ilk gəmiləri qəbul edəcək

Prezident İlham Əliyev: “Bakı-Tbilisi-Qars dəmir yolu tərəfimizdən müasirləşdirilir”