Avropa Komissiyasının rəhbəri Ursula Fon der Lyayen Bakıya səfər edib və Prezident İlham Əliyevlə Azərbaycan-Avropa İttifaqı (Aİ) münasibətlərini müzakirə ediblər.

"Report" xəbər verir ki, Ursula Fon der Lyayenin Bakıya səfəri ilə bağlı Türkiyənin "Haber Global" telekanalının hazırladığı süjetin təqdimatı bu sözlərlə başlayıb.

Ursula Fon der Lyayenin Azərbaycan Prezidenti İlham Əliyevin liderlik keyfiyyətlərini örnək gətirdiyi görüşdə Avropa Komissiyasının rəhbərinin Cənubi Qafqazın parlaq gələcəyinə inandığını dilə gətirməsi də qabardılıb.

Süjetdə Prezident İlham Əliyevin Bakı ilə İrəvan arasında davam edən sülh prosesi barədə sözləri xüsusi vurğulanıb:

"Regional təhlükəsizlik məsələlərini, xüsusən də uğurla gedən Azərbaycan ilə Ermənistan arasında normallaşma prosesini geniş şəkildə müzakirə etdik. Ötən ilin avqustunda Vaşinqtonda, Ağ Evdə Prezident Trampın iştirakı ilə Ermənistan və Azərbaycan Birgə Bəyannaməni imzalayıb. Sülhü təkcə kağız üzərində deyil, gündəlik həyatda hiss etdiyimizi nümayiş etdirmək üçün bir çox birtərəfli addımlar atdıq. Azərbaycan öz ərazisi ilə Ermənistana daşınan yüklərin tranzitinə bütün məhdudiyyətləri aradan qaldırıb".

Prezident İlham Əliyevin Azərbaycan-Aİ münasibətləri barədə dedikləri xatırladılan süjetdə Ursula Fon der Lyayenin də bəyanatının bəzi hissələri diqqətə çatdırılıb.

Daha ətraflı videoda:

"Haber Global" İlham Əliyevlə Ursula Fon der Lyayenin görüşü barədə süjet hazırlayıb

Oxşar xəbərlər

Pinyo: Ursula fon der Lyayenin Cənubi Qafqaza səfəri sülh prosesi və regional əlaqəliliyə yönəlib

Ursula Fon der Lyayen: Avropa İttifaqı bu regionun parlaq gələcəyinə inanır

Hikmət Hacıyev Prezident İlham Əliyev və Avropa Komissiyasının Prezidenti Ursula von der Lyayenin fotosunu paylaşıb

Fon der Lyayen İlham Əliyevə Ermənistanla sülh haqqında: Siz öz şəxsi liderliyinizi nümayiş etdirdiniz

İlham Əliyev: Azərbaycan və Avropa İttifaqı fəal dialoq qurub