Beynəlxalq Valyuta Fondu (IMF) fraqmentasiya səbəbindən ticarətin ilk dəfə olaraq qlobal iqtisadi artımın mühərriki olmaqdan çıxdığını qeydə alıb.

“Report” TASS-a istinadən xəbər verir ki, bunu IMF-in icraçı direktoru Kristalina Georgiyeva IMF və Dünya Bankının rəhbər orqanlarının payız sessiyası çərçivəsində fondda çıxışı zamanı bildirib.

O, “qlobal iqtisadi artım üçün fraqmentasiyanın mənfi amili”nə diqqət çəkib. Son 18 ayda 4 mindən çox məhdudlaşdırıcı tədbir tətbiq edilib və bunların 60 %-i inkişaf etmiş iqtisadiyyatlar tərəfindən həyata keçirilib.

“Bu 4 min [sanksiya] tədbirin hamısını təhlil etdikdə belə nəticəyə gəldik ki, onların təxminən üçdə ikisi ticarətə zərər verir və ticarət ilk dəfə olaraq artım mühərriki olmaqdan çıxıb <...>. Ticarət qlobal artımdan bir qədər yavaş artır. Görüşdüyümüz şərtlər bunlardır. Düşünürəm ki, buradakı siyasətçilər bunu rəhbər tutacaqlar. <...>. Eyni zamanda, səmimi olaraq ümid edirəm ki, onları o qədər qorxuda bilərik ki, evə gedib maliyyə-büdcə cəbhəsində qətiyyətlə hərəkət edəcəklər”, – Georgiyeva vurğulayıb.

İnflyasiyadan danışarkən o, artım tempinin əhəmiyyətli dərəcədə azaldığını təsdiqləyib.

Oxşar xəbərlər

Dünya Bankı Azərbaycanın iqtisadi artım proqnozunu yeniləyib

BVF rəhbəri: Avropa iqtisadi inkişafda ABŞ-dan geri qalacaq

Taleh Kazımov: "Bu il Azərbaycanda iqtisadi artım 3,5 % proqnozlaşdırılır"

Bu, Azərbaycan üçün narahatlıq yaradır - Mövsümov

AMB iqlim dəyişikliyi ilə bağlı maliyyə sistemini dəstəkləməyə çağırıb