İndiyə qədər 3700-dən çox xarici investor Azərbaycanın işğaldan azad edilmiş ərazilərinə sərmayə qoymaq üçün müraciət edib.

"Report"un Şuşaya ezam olunan müxbiri xəbər verir ki, bunu İqtisadiyyat Nazirliyi yanında Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov 6-cı İqtisadi Əməkdaşlıq Təşkilatı (ECO) biznes forumunda bildirib.

Onun sözlərinə görə, ECO ölkələrinin yerləşdiyi region böyük potensiala malikdir: "Bu regionda kiçik və orta müəssisələr açmaq üçün ən yaxşı imkanlar var. KOBİA olaraq biz innovasiyaları irəli aparan, iş yerləri yaradan və regional ticarət əlaqələri quran bu müəssisələri dəstəkləməyə diqqət yetiririk. Biz sahibkarlara tənzimləyici məsləhətlərdən tərəfdaş axtarışına və startap təlimatından ixrac dəstəyinə qədər birbaşa yardım göstərən KOB evləri və KOB ofisləri şəbəkəsi yaratmışıq".

Sədr qeyd edib ki, Azərbaycan təşkilata üzv ölkələrlə əməkdaşlığı dərinləşdirməyin müsbət məqamlarını görür: "Kənd təsərrüfatı, qida emalı, logistika, İKT və yaxud tekstil sahəsində olsun, birgə müəssisələr, təchizat şəbəkəsi və bilik mübadiləsi üçün geniş imkanlar var. İnvestorlar və sahibkarlar təkcə Bakıya deyil, Qarabağ və Şərqi Zəngəzura da dəvət olunurlar. Bu günə qədər həmin ərazilərə investisiya qoymaq istəyən sahibkarlardan 3 700-dən çox xarici investordan müraciət almışıq. Məqsədimiz beynəlxalq tərəfdaşlarımızın fəal iştirakı ilə bu ərazilərdə güclü, rəqabətqabiliyyətli KOB ekosistemi qurmaqdir".

Oxşar xəbərlər

KOBİA: Orta və kiçik sahibkarlara verilən kreditlər azalıb

KOBİA indiyə qədər 1 500-dən çox sahibkarın sərgidə və yarmarkalarda iştirakına dəstək göstərib

Orxan Məmmədov: "Azərbaycan regional halal sənaye üçün potensial bir mərkəzə çevrilə bilər"

KOBİA Belarus sahibkarlarına Qarabağda tərəfdaşlar tapmaqda dəstək göstərəcək

Qarabağ və Şərqi Zəngəzurda biznes fəaliyyətləri üçün 2 520 müraciət daxil olub