BMT Azərbaycanın işğaldan azad edilmiş ərazilərində minatəmizləmə fəaliyyətinə dəstəyini davam etdirir.

"APA-Economics" xəbər verir ki, bunu BMT Baş katibinin müavini Əminə Məhəmməd WUF13-ün rəsmi bağlanış mətbuat konfransında deyib.

O bildirib ki, Qarabağda həyata keçirilən bərpa və reinteqrasiya proqramları Azərbaycan hökumətinin səlahiyyətində olan məsələdir və davamlı sülhün təmin edilməsinə xidmət edir.

Əminə Məhəmməd qeyd edib ki, BMT hazırda Azərbaycana minatəmizləmə sahəsində dəstək göstərir.

“Bu, çox vacib fəaliyyətdir. Proses uzun müddət tələb edəcək. Eyni zamanda, bu iş etimadın formalaşdırılmasının və insanlar üçün daha təhlükəsiz icmaların yaradılmasının tərkib hissəsidir”, - BMT Baş katibinin müavini vurğulayıb.

Onun sözlərinə görə, təhlükəsiz yaşayış mühitinin yaradılması insanların öz evlərinə və icmalarına qayıdışı üçün əsas şərtlərdən biridir.

Oxşar xəbərlər

BMT Baş katibinin müavini: WUF urbanizasiya üzrə əsas qlobal platforma olaraq qalır, Bakıdan qətiyyətlə ayrılırıq

BMT Baş katibinin müavini Azərbaycana başsağlığı verib

Guy Ryder: Qarşıdakı 10 il Yeni Şəhər Gündəliyinin icrası baxımından həlledici olacaq

BMT Baş katibinin birinci müavini Azərbaycana səfər edəcək

MN: Türk Silahlı Qüvvələri Azərbaycana dəstəyini davam etdirir