Əgər İran Livandakı fəaliyyətinə görə və ya hər hansı başqa səbəbdən İsrailə hücum edərsə, İsrail bütün gücü ilə cavab zərbəsi endirəcək.

"Report" "The Times of Israel"ə istinadən xəbər verir ki, bu barədə İsrailin müdafiə naziri İsrael Kats ölkənin kursantların buraxılış mərasimində bildirib.

O qeyd edib ki, İsrail silahlı qüvvələri Livan, Suriya və Qəzza zolağı ərazisindəki təhlükəsizlik zonalarında vaxt məhdudiyyəti olmadan qalmağa davam edəcək. Katsın sözlərinə görə, hərbi mövcudluğun qorunub saxlanılması İsrail sakinlərinin və yaşayış məntəqələrinin silahlı qruplaşmalardan qorunması üçün zəruridir.

"Biz İsrailin ali təhlükəsizlik maraqları - hərbi qulluqçularımızın və vətəndaşlarımızın qorunması məsələlərində kompromisə getməyəcəyik. Təhlükəsizlik zonalarından çıxmayacağıq", - nazir vurğulayıb.

Oxşar xəbərlər

Kats Qəzza şəhərinə hücum planını təsdiqləyib

İsrail Livandakı Bofor qalasını "təhlükəsizlik zonası"nın bir hissəsi kimi saxlayacaq

İsrael Kats: Əli Laricani hava zərbəsi nəticəsində öldürülüb

İsrael Kats: Dəməşq qoşunları əs-Süveydanı tərk etməsə, İsrail Ordusu Suriyaya zərbələri davam etdirəcək

Kats: İsrail ordusu "Hizbullah" təhlükəsi aradan qaldırılana qədər Livanın cənubunda qalacaq