Pakistanın xarici işlər naziri Məhəmməd İshaq Dar türkiyəli həmkarı Hakan Fidanla telefonla danışıb və ABŞ ilə İran arasında iyunun 19-da İsveçrədə imzalanacaq anlaşma memorandumu müzakirə edilib.

"Report" xəbər verir ki, bu barədə Pakistan Xarici İşlər Nazirliyi (XİN) "X" sosial şəbəkə hesabında məlumat paylaşıb.

"Nazirlər ABŞ və İran arasında bu yaxınlarda əldə olunmuş razılaşmaları məmnunluqla qarşılayıb və 19 iyun 2026-cı il tarixində İsveçrənin Bürgenstok şəhərində Anlaşma Memorandumunun qarşıdan gələn imzalanması barədə fikir mübadiləsi aparıblar", - məlumatda bildirilib.

Həmçinin Pakistan–Türkiyə ikitərəfli münasibətləri müzakirə edilib.

Xatırladaq ki, ABŞ Prezidenti Donald Tramp Fransanın Evian şəhərində keçirilən G7 ("Böyük yeddilik") sammitinin yekunlarına dair çıxışında deyib ki, İranla saziş iyunun 18-19-da imzalana bilər. ""Əgər bu, 60 gün ərzində baş verməsə, heç nə olmaz, biz bombalamağa qayıdacağıq", - o bildirib.

Oxşar xəbərlər

Tramp: İran və ABŞ arasında saziş iyunun 18-19-da imzalana bilər

İshaq Dar və Hakan Fidan bu gün imzalanması gözlənilən ABŞ-İran razılaşmasını müzakirə ediblər

Türkiyə və Pakistan XİN rəhbərləri ABŞ-İran danışıqlarını müzakirə edib

Fidan ABŞ, Pakistan və İran nümayəndələri ilə Tehranla danışıqları müzakirə edib

İshaq Dar və Van İ İranla ABŞ arasında dialoqun qurulması səylərini müzakirə ediblər