Ukraynada yaşayış üçün müvəqqəti vəsiqə alanların böyük əksəriyyəti Azərbaycan vətəndaşlarıdır.

Bunu "Report"un Şərqi Avropa bürosuna müsahibəsində Ukrayna Miqrasiya Xidmətinin rəhbəri Natalya Naumenko deyib.

Onun sözlərinə görə, 2026-cı ildəki vəziyyətə görə Ukraynada təxminən 354 min əcnəbi və vətəndaşlığı olmayan şəxs yaşayır:

"Onlardan 305 mindən çoxu daimi əsasla yaşayır. Yəni mühacirət icazəsi və müvəqqəti yaşayış vəsiqəsi var. Daha 48 minin müvəqqəti yaşayış vəsiqəsi var. Yəni indi biz deyirik ki, Ukraynada 354 min xarici vətəndaş var. Bu, ölkənin bütün əhalisinin təxminən 1 %-dir. Bunların təxminən yarısı Rusiya Federasiyasının vətəndaşlarıdır. Bu, təxminən 151 min nəfərdir. Sonra Moldova vətəndaşları gəlir – 21 min nəfər, Azərbaycan vətəndaşları – 17 mindən çox nəfər. Daha sonra Ermənistan, sonra Gürcüstan, Belarus, Özbəkistan, Vyetnam gəlir".

Xidmət rəhbəri qeyd edib ki, müvəqqəti vəsiqələrdən söhbət gedirsə, yaşayış üçün bunların böyük əksəriyyətini Ukraynada Azərbaycan vətəndaşları alıb:

"Bu, 4 000-dən çox nəfərdir. Sonra Türkiyə, həmçinin 4 000-dən çox nəfər, Moldova, Belarus, ABŞ, sonra Hindistan, Özbəkistan, Gürcüstan, Çin və İsrail gəlir. Buna görə də biz indi bu şəkildə özümüz üçün miqrasiya xəritəsini çəkdik ki, anlayaq bu gün Ukraynada miqrasiya vəziyyəti necədir".

Müsahibənin tam mətni ilə buradan tanış olmaq olar.

Oxşar xəbərlər

Natalya Naumenko: Müharibə başlayandan Ukraynanı 8 milyon vətəndaş tərk edib - MÜSAHİBƏ

Rusiya vətəndaşları Ermənistandan sığınacaq alan ölkələr arasında ilk üçlükdə yer alıb

Azərbaycan vətəndaşları Ukraynada yeni şirkət yaradan əcnəbilər arasında ilk 10-luğa düşüb

Diaspor rəhbəri: Ukraynada 100 min azərbaycanlı yaşayış yerini tərk edib

Ukraynada Sumı vilayətinin 183 yaşayış məntəqəsinin sakinləri təxliyə edilir