ABŞ Prezidenti Donald Tramp bildirib ki, ABŞ tezliklə İranın heç vaxt nüvə silahı əldə etməyəcəyinə zəmanət verəcək.

"Report" xəbər verir ki, o, aprelin 20-də radio aparıcısı Con Frederiksə verdiyi müsahibədə İranın nüvə proqramı barədə danışarkən belə deyib.

"Bu baş verəcək və düşünürəm ki, çox tez baş verəcək. Onların nüvə silahı olmayacaq və biz buna icazə verməyəcəyik", - deyə o bildirib.

Aprelin 17-də Ağ Ev rəhbəri ABŞ və İran nümayəndələrinin zənginləşdirilmiş uranı bu ölkədən çıxarmaq üçün birlikdə çalışacaqlarını və Tehranın Vaşinqtondan heç bir dondurulmuş aktiv almadan nüvə proqramını qeyri-müəyyən müddətə dayandırmağa hazır olduğunu bildirib.

Amerika prezidenti həmçinin bildirib ki, İranla mümkün anlaşmanın əksər şərtləri artıq razılaşdırılıb.

Oxşar xəbərlər

Tramp: İranın nüvə silahı varsa, heç bir sülh ola bilməz

Əgər İran razılaşmasa... - Tramp

Tramp İranın çiçəklənməsini istəyir, “lakin nüvə silahı olmadan”

Netanyahu: İranla razılaşma onu uranı zənginləşdirmək imkanından məhrum etməlidir

Tramp: İran dörd həftə ərzində nüvə silahı hazırlaya bilərdi