Bakıda Finlandiyanın məşhur dövlət və siyasi xadimi Karl Qustav Emil Mannerheymin (1867–1951) Böyük İpək Yolu ilə Bakıdan Çinə səyahətinə həsr olunmuş fotosərgi açılıb.

“Sizinxeber.az” xəbər verir ki, tədbir Finlandiyanın Azərbaycandakı səfirliyinin dəstəyi ilə təşkil olunub.

Açılış mərasimində Finlandiyanın Azərbaycandakı və Cənubi Qafqazın digər ölkələrindəki səfiri Kirsti Narinen çıxış edərək qısaca Mannerheymin həyatından danışıb.

Diplomat vurğulayıb ki, Mannerheym Finlandiyanın müstəqillik əldə etməsində və 20-ci əsrin birinci yarısında ölkənin tarixində, o cümlədən 1918-ci il vətəndaş müharibəsində, 1939-1940-cı illərin Qış müharibəsi və 1941-1944-cü illərin Davam müharibəsində mühüm rol oynayıb.

Onun sözlərinə görə, Mannerheymin səyahətində Bakı Finlandiya ilə Mərkəzi Asiya arasında duruş nöqtəsi olub.

“Tariximiz üçün belə mühüm şəxsiyyətə həsr olunmuş tədbirin burada keçirilməsi bizim üçün çox xoşdur. Şadıq ki, onun əsərlərini sizin üçün buraya gətirə və sizi onunla daha yaxından tanış edə bildik”, - səfir söyləyib.

FOTO: Ehtiram Cəbi

Oxşar xəbərlər

Finlandiya səfiri: “Yaşıl” keçid və ətraf mühitin qorunması bizim üçün prioritetdir

Finlandiya Prezidenti COP29-da iştirak etmək üçün Azərbaycana gələcək

Rusiya gəmisi Finlandiyanın ərazi sularını pozub

ABŞ və Finlandiya müdafiə sahəsində əməkdaşlıq sazişi imzalayıblar

Moskvada Heydər Əliyevin 100 illiyinə həsr olunmuş anım gecəsi