ABŞ Prezidenti Donald Tramp bildirib ki, İsrailin Baş naziri Benyamin Netanyahu ilə görüşündə İrana qarşı fəaliyyətlə bağlı yekun razılıq əldə olunmayıb.

Oxu.Az xəbər verir ki, Ağ Evin rəhbəri bu barədə "Truth Social" platformasında yazıb.

Tramp İsrailin baş naziri ilə keçirilən görüşü çox yaxşı, ölkələr arasındakı münasibətləri isə mükəmməl adlandırıb.

"Biz sövdələşmənin bağlanmasının mümkünlüyünü aydınlaşdırmaq üçün İranla danışıqların davam etdirilməsində israr etməyimdən başqa hələlik dəqiq bir nəticəyə nail olmamışıq", - deyə o vurğulayıb.

Tramp qeyd edib ki, belə bir imkan yaranacağı təqdirdə, o, baş nazirə bunun daha üstün variant olduğunu bildirəcək. Əks halda, ABŞ nəticəyə baxacaq.

"Keçən dəfə İran qərara gəldi ki, onlar üçün sövdələşmə bağlamamaq daha yaxşıdır və onlar "Gecəyarısı çəkici" zərbəsini aldılar - bu, onlara fayda vermədi", - deyə Tramp xatırladıb.

ABŞ lideri Qəzza zolağı üzrə danışıqlarda böyük irəliləyiş əldə edildiyini bildirib və İran hökumətinin "daha çox ağlabatanlıq və məsuliyyət" nümayiş etdirəcəyinə ümidvar olduğunu qeyd edib.

Oxşar xəbərlər

Tramp Netanyahu ilə söhbətindən danışıb

Tramp İsrailin Baş naziri ilə telefon danışığı aparıb

Tramp Netanyahu ilə görüşəcəyini təsdiqləyib

Netanyahu Trampı İsrailin ən böyük dostu adlandırıb

Tramp və Netanyahu Qəzza ilə İranı müzakirə ediblər