Musiqisi bəstəkar Ələkbər Tağıyevə, sözləri şair Mikayıl Müşfiqə məxsus “Qal, sənə qurban” mahnısının erməniəsilli müğənni tərəfindən mənimsənilməsi aradan qaldırılıb.

Bu barədə "Sizinxeber.az"un sorğusuna cavab olaraq Əqli Mülkiyyət Agentliyindən məlumat verilib.

Qeyd edilib ki, erməniəsilli Kipr müğənnisi Ovik Dəmirçyan “Qal, sənə qurban” mahnısını mənimsəyərək erməni mahnısı kimi təqdim edib və oxuyub. Həmçinin o, mahnını "YouTube"da yunan dilində “Hara gedir” adı altında yayımlayıb.

"Məsələ ilə bağlı Əqli Mülkiyyət Agentliyi tərəfindən həyata keçirilən tədbirlər nəticəsində rəqəmsal şəbəkələrdə müəlliflərin, ifaçıların və fonoqram istehsalçılarının əmlak hüquqlarını kollektiv əsasda idarə edən “Rəqəmli və Audiovizual Yayım Sənayesi” İctimai Birliyinin (RAYS) texniki yardımı ilə O.Dəmirçyanın Youtube platformasında yaydığı qeyd edilən mahnı silinib", - deyə məlumatda qeyd edilib.

Oxşar xəbərlər

Elmira Rəhimova və Brilliant Dadaşovanın oxuduğu mahnıların ermənilər tərəfindən mənimsənilməsi aradan qaldırılıb

“Yar gəldi yar” mahnısının erməni musiqisi kimi təqdim olunmasının qarşısı alınıb

"Yarımgilə" mahnısının erməni ifaçı tərəfindən mənimsənilməsi aradan qaldırılıb

“Qarabağ” mahnısının bəstəkarının hüquqları bərpa edilib, erməni ifaçının videoları platformalardan silinib

Cavanşir Quliyevin “Yarımgilə” mahnısının erməni ifaçı tərəfindən mənimsənilməsi aradan qaldırılıb