Fildişi Sahili millisi qarşısına qoyduğu hədəfə çatıb.

"Report" FIFA-ya istinadən xəbər verir ki, bunu adıçəkilən yığmanın baş məşqçisi Emers Fae DÇ-2026-nın qrup mərhələsində Kurasaoya qarşı keçiriən oyundan sonra deyib.

Mütəxəssis növbəti mərhələyə adlamağın sevindirici olduğunu bildirib:

"Ağlıma gələn ilk söz qürurdur. Bacaracağımıza inanırdıq, eyni zamanda bunun heç də asan olmayacağını da bilirdik. Qarşıya qoyduğumuz məqsədə çatdıq. Üstəlik, qrupu ikinci pillədə başa vurduq. Buna görə həm sevinirik, həm də qürur duyuruq. Ancaq hədəflərimiz bununla bitmir, daha irəli getmək istəyirik.

İndi növbəti oyuna yaxşı hazırlaşmaq üçün dincələcəyik. Xalqımız bu uğura layiqdir. Qoy bu qələbənin sevincini yaşasınlar, bu axşam bayram etsinlər. Ümid edirik ki, onlar bundan sonra da bizi eyni coşqu ilə dəstəkləyəcəklər ki, turnirdə mümkün qədər irəli gedə bilək".

Qeyd edək ki, Fildişi Sahili komandası Kurasaonu 2:0 hesabı ilə məğlub edib.

Oxşar xəbərlər

Fildişi Sahili millisinin baş məşqçisi Emers Fae Almaniyanın oyununu tənqid edib

Emerse Fae: "Fildişi Sahili millisinin səbrli olmağı vacib idi və bunun bəhrəsini gördük"

DÇ-2026: Fildişi Sahili yığması Ekvadora qalib gəlib

Dik Advokat: "Komandamız yaxşı nəticə əldə etmək üçün çox çalışdı"

Ekvador millisinin baş məşqçisi: "Dünya çempionatında buraxılan kiçik səhvlər baha başa gəlir"