COP29 Paris Sazişinin məqsədlərinə nail olmaqda kollektiv irəliləyişin həqiqi göstəricisi olacaq.

“Report” xəbər verir ki, bunu COP29-un prezidenti Muxtar Babayev Bakıda iqlim konfransı çərçivəsində keçirilən "Sədrliyin QHT nümayəndələri və tərəflərlə açıq dialoqu" adlı tədbirdə bildirib.

"Yeni Kollektiv Kəmiyyət Hədəfi (NCQG) ilə bağlı mühüm nəticənin təmin edilməsi çox vacibdir. Bu, iqlim dəyişikliyi ilə mübarizə üzrə səmərəli tədbirləri stimullaşdıracaq, maliyyə sistemi ədalətli olmalı, iqlim dəyişikliyinə qarşı daha çox həssas olanların ehtiyaclarını qarşılamalıdır”, - o bildirib.

M.Babayevin sözlərinə görə, maliyyənin yerli xalqlara, cəmiyyətlərə, qadınlara və iqlim böhranının ön cəbhəsində olan bütün həssas qruplara çatmasını təmin etmək lazımdır. Heç kimin unudulmaması üçün insan hüquqlarına əsaslanan yanaşma lazımdır. Bugünkü dialoq sadəcə problemlərin üzə çıxarılması demək deyil.

"Bizə həm də həyata keçirilə bilən həllər lazımdır. Bazarın şəffaflığını artırmaqla və daha güclü yerli maliyyə sistemləri yaratmaqla lazımi miqyasda iqlim fəaliyyətini təmin edən səmərəli maliyyə landşaftı yarada bilərik. Hamını bu dialoqda fəal şəkildə iştirak etməyə çağırıram", - COP29-un prezidenti bildirib.

Oxşar xəbərlər

Bakıda “Yeni Kollektiv Kəmiyyət Hədəfi” üzrə yüksək səviyyəli nazirlər dialoqu baş tutub

Bolqarıstan Prezidenti: Yeni kollektiv kəmiyyət hədəfi COP29 iqlim konfransının əsas gözlənilən nəticəsidir

Muxtar Babayev: COP29-un uğurlu olması üçün Paris Sazişinin bütün müddəaları üzrə əlimizdən gələni etməliyik

Səfir: Azərbaycan şəffaf və iştirakçılara yönəlmiş COP29 konfransı keçirəcək

Nigar Arpadarai: İqlim məqsədlərinə nail olmaq üçün özəl sektorun fəal iştirakı vacibdir