Havanın çirklənməsi ürək xəstəlikləri, insult, tənəffüs yolu infeksiyaları, ağciyər xərçəngi və diabet kimi bir çox xəstəlik üçün risk faktorudur. Uşaqlar havanın çirklənməsinin mənfi təsirlərinə xüsusilə həssasdırlar.

"Sizinxeber.az" xəbər verir ki, bunu Azərbaycanın səhiyyə naziri Teymur Musayev COP29 çərçivəsində keçirilən tədbirdə çıxışı zamanı deyib.

Onun sözlərinə görə, dünyadakı uşaqların təqribən 93%-i, yəni 15 yaşınadək 1,8 milyard uşaq çirkli hava ilə nəfəs alır ki, bu da kritik inkişaf fazaları zamanı pis sağlamlıq nəticələrinə gətirib çıxarır.

Nazir qeyd edib ki, körpələr və uşaqlar xüsusilə havanın çirklənməsinə məruz qaldıqda bu, ağciyərlərin sağlamlığına ciddi mənfi təsir edir.

T.Musayev ətraf mühitin çirklənməsinin insan sağlamlığına təsirinin azaldılması və sağlam həyat tərzinin təbliğinin Azərbaycan hökumətinin əsas prioriteti olduğuna da diqqət çəkib. O qeyd edib ki, Səhiyyə Nazirliyi ətraf mühitin mühafizəsi ilə məşğul olan qurumlarla birlikdə ölkə ərazisində havanın keyfiyyətinə fəal şəkildə nəzarət edir:

"Ekologiya və Təbii Sərvətlər Nazirliyi ilə əməkdaşlıq Sazişi çərçivəsində hər iki qurumun mütəxəssisləri Azərbaycanda havanı çirkləndirənlərin ölüm hallarına təsirinin monitorinqinə başlayıb. Əsas hava çirkləndiricilərinin sağlamlığa təsirlərini qiymətləndirməyə imkan verən, ÜST tərəfindən hazırlanmış proqram təminatından istifadə etməklə növbəti beşillik dövr ərzində monitorinq nəticələrinin xülasə hesabatı hazırlanır. Havanın çirklənməsinin sağlamlığa təsirləri barədə ictimaiyyəti məlumatlandırmaq üçün maarifləndirici proqramlar davam etdirilir".

Nazir təəssüflə deyib ki, səhiyyə işçilərinin iqlim dəyişikliyinin sağlamlığa təsiri barədə məlumatlılığı hələ də qənaətbəxş səviyyədə deyil.

"Azərbaycan Tibb Universitetində “İqlim dəyişikliyi və sağlamlıq” fənni tədris olunur. UNİCEF-in dəstəyi ilə Səhiyyə Nazirliyi səhiyyə işçiləri üçün “Uşaqların ətraf mühitin sağlamlığı” mövzusunda təlimlər təşkil edib. Əsas məqsəd səhiyyə işçiləri arasında bilik və bacarıqların artırılması, iqlim dəyişikliyinin və ətraf mühitin çirklənməsinin təsirləri haqqında məlumatlılığın artırılması olub", - T.Musayev əlavə edib.

Oxşar xəbərlər

Havanın çirkli olması insanların əhval-ruhiyyəsinə təsir edir [xfgiven_updateblue][/xfgiven_updateblue]

UNİCEF-in nümayəndəsi: Suyun çirklənməsi, daşqınlar, quraqlıq nəticəsində yaranan xəstəliklər uşaqların sağlam inkişafı üçün təhlükə yaradır [xfgiven_updateblue][/xfgiven_updateblue]

Son 30 ildə dünyada insult hallarının sayı kəskin şəkildə artıb [xfgiven_updateblue][/xfgiven_updateblue]

UNICEF təmsilçisi: Uşaqların 96 %-i çirklənmiş hava ilə nəfəs alır [xfgiven_updateblue][/xfgiven_updateblue]

Alimlər ürək xəstəlikləri üçün risk faktorunun adını açıqlayıblar [xfgiven_updateblue][/xfgiven_updateblue]