COP29-la bağlı Naxçıvan Muxtar Respublikası Ekologiya və Təbii Sərvətlər Nazirliyi və tabeliyindəki qurumların əməkdaşları, eyni zamanda ekokönüllülər üçün infosessiya təşkil olunub.

“Report”un yerli bürosu xəbər verir ki, infosessiyada ekologiya və təbii sərvətlər naziri Xanlar Mustafayev, “Suraxanı Oil” Əməliyyat Şirkətinin Ümumi İşlər Departamentinin direktoru Rəşad Qasımov və beynəlxalq səviyyəli ekspert, “Balaxanı Oil” və “Suraxanı Oil” əməliyyat şirkətlərinin COP29 üzrə layihə meneceri Çingiz Məmmədov iştirak ediblər.

X.Mustafayev “Balaxanı Oil” və “Suraxanı Oil” əməliyyat şirkətləri ilə olan əməkdaşlıqdan söz açıb, iqlim dəyişiklikləri ilə mübarizədə strateji planlardan, muxtar respublikada bu istiqamətdə həyata keçirilən layihələrdən və gələcək perspektivlərdən danışıb.

“Balaxanı Oil” və “Suraxanı Oil” əməliyyat şirkətlərinin COP29 üzrə layihə meneceri Çingiz Məmmədov təqdimatla iştirakçılara planetdə minilliklər ərzində iqlim və temperatur dəyişmələri, istixana qazlarının bu prosesdə rolu, BMT İqlim Dəyişmələri Üzrə Çərçivə Konvensiyası, Konvensiyaya qoşulmuş dövlətlər və mövzu ətrafında digər məsələlər barədə məlumat verib.

İnfosessiya zamanı COP29-un əhəmiyyəti və qlobal iqlim dəyişiklikləri mövzusu ətrafında da geniş müzakirələr aparılıb, iştirakçıların sualları cavablandırılıb.

Sonda iştirakçılara COP29-la bağlı hazırlanan videoçarxlar nümayiş olunub.

Oxşar xəbərlər

Naxçıvanda COP29-la bağlı konfrans keçirilir

Muxtar Babayev Parlamentlərarası İttifaqın Baş katibi ilə COP29 ətrafında müzakirələr aparıb

QHT-lər üçün COP29-da Yaşıl Bölgə ilə bağlı informasiya sessiyası təşkil olunub

Çin səfiri ilə COP29-a hazırlıq müzakirə olunub

Muxtar Babayev Beynəlxalq Parlamentarilər Konqresinin baş katibi ilə COP29-a hazırlığı müzakirə edib