Azərbaycan iqtisadi artımı, sosial inklüzivliyi və ekoloji dayanıqlılığı bir-birini gücləndirəcək şəkildə fəaliyyət göstərməsini təmin edir.

"Sizinxeber.az" xəbər verir ki, bunu iqtisadiyyat nazirinin müşaviri Hüseyn Hüseynov Ümumdünya Şəhərsalma Forumunun 13-cü sessiyası (WUF13) çərçivəsində keçirilən "One UN" dəyirmi masasında bildirib.

Onun sözlərinə görə, Azərbaycanda milli baxış və Dayanıqlı İnkişaf Məqsədlərinin (DİM) uyğunlaşdırılması da dayanıqlı inkişaf məqsədlərinin, hədəflərin və göstəricilərin hökumətinin milli planlarına inteqrasiyasında mühüm rol oynayıb: "Azərbaycan iqtisadi artımı, sosial inklüzivliyi və ekoloji dayanıqlılığı təcrid olunmuş şəkildə deyil, bir-birini gücləndirəcək şəkildə fəaliyyət göstərməsini təmin edir. Bu da uzunmüddətli şəhər və regional inkişaf üçün ardıcıl çərçivə təqdim edir. İdiyə qədər biz təxminən 50 dövlət proqramını, strategiyasını, fəaliyyət planını DİM hədəf və göstəricilərinə inteqrasiya etmişik".

O hesab edir ki, DİM-in lokallaşdırılması, qlobal qəbuldan kənara çıxır və bu, DİM-i milli, regional, yerli siyasətlərə inteqrasiya etməyi hədəfləyir: "Burada əsas məqsəd, əlbəttə, geniş maraqlı tərəflərin – hökumət, özəl sektor, QHT-lər, vətəndaş cəmiyyəti, yerli hakimiyyət orqanları və akademik qurumlar daxil olmaqla – cəlb edilməsidir".

H. Hüseynov qeyd edib ki, lokallaşdırma paytaxtdan kənarda həyata keçirilir və burada DİM-in ölkədə yerli reallıqları və ehtiyacları əks etdirməsini təmin etmək üçün digər şəhərlərə və regionlara genişləndirilir: "Biz artıq iki şəhər seçmişik: Şuşa və Naxçıvanı. Bu şəhərlər strateji, mədəni və inzibati əhəmiyyətinə görə DİM lokallaşdırılması üçün pilot yer olaraq seçilib. Burada seçim əsaslandırması belədir: Naxçıvan Muxtar Respublikası – inkişaf etmiş hökumət strukturları, milli gündəmin daha asan mənimsənilməsi, əvvəlki DİM təşəbbüsləri və Naxçıvan Dövlət Universitetində yaradılmış DİM mərkəzi. Şuşa isə azad edilmiş ərazilərdə yerləşir. O, Qarabağın mədəni və tarixi mərkəzidir. İnsan kapitalının inkişafına, Qarabağ Universitetinə yaxınlığa diqqət yetiririk ki, bu da prosesdə akademik dəstək və iştirakı təmin edir. Əlbəttə, akademik və gənclərin iştirakı burada vacib rol oynayır. Hər iki məkan canlı akademik icmalara və təzə düşüncəli gənc nəslə malikdir, DİM lokallaşdırma prosesində yaradıcılıq, innovasiya və aktiv iştirak üçün yüksək potensial təqdim edir".

Oxşar xəbərlər

Azərbaycan Dayanıqlı İnkişaf Məqsədlərinə nail olmaq üçün beynəlxalq maliyyələşdirmənin artırılmasına çağırıb

Hüseyn Hüseynov: "Azərbaycanda 2026-cı ilə qədər ÜDM-in artımını orta hesabla 3-4 % arasında saxlanılması hədəflənib"

Hüseyn Hüseynov BMT-də Azərbaycanın gender bərabərliyinə dair nailiyyətlərini təqdim edib

OECD: Mənzil problemi təcrid olunmuş deyil, sistemli şəkildə həll edilməlidir

Azərbaycanın şəhərsalma və dayanıqlı inkişaf sahəsindəki təcrübəsi BMT-nin forumunda təqdim edilib