Buxara şəhəri beynəlxalq əməkdaşlıq baxımından Mərkəzi Asiyada ciddi rola malikdir.

"Report" xəbər verir ki, bunu Özbəkistanın Buxara şəhər merinin müavini və Şəhər İnvestisiya, Sənaye və Ticarət İdarəsinin rəhbəri Şarofiddin Xusenov Ümumdünya Şəhərsalma Forumunun 13-cü sessiyası (WUF13) çərçivəsində "UNESCO-nun Yaradıcı Şəhərlər Şəbəkəsi və Dayanıqlı Şəhər İnkişafı" adlı müzakirədə deyib.

Onun sözlərinə görə, Buxara şəhəri beynəlxalq əməkdaşlıq baxımından Mərkəzi Asiyada ciddi rola malikdir:

"Buxara bir çox beynəlxalq təşkilatlarla mədəni əməkdaşlığı davam etdirir. 2027-ci ildə UNESCO-nun Buxarada keçirməyi planlaşdırılan konfransı bunun bariz göstəricilərindən biridir".

Ş.Xusenov Buxaranın Mərkəzi Asiya regionunda turizm və qonaqpərvərlik şəhəri kimi özünü təsdiq etdiyini də diqqətə çatdırıb:

"Bunun əsas təşviq mexanizmləri sırasında muzeylər, yaradıcı sənaye nümayəndəlikləri və başqa bu kimi şəbəkələri göstərmək olar. Nəticə etibarilə, şəhər son illərdə turist axını və gəlirlərdə ciddi artıma nail olub".

Oxşar xəbərlər

Rəşad Əzizov: Azərbaycan UNESCO-nun Yaradıcı Şəhərlər Şəbəkəsindən dayanıqlı inkişaf aləti kimi istifadə etməlidir

UNESCO nümayəndəsi: Mədəniyyət sahəsi üzrə işləyənlər əsasən şəhərlərdədir

Hüseyn Hüseynov: "Təxminən 50 dövlət proqramı DİM-lərə inteqrasiya edilib"

Mərkəzi Asiyada dayanıqlı "yaşıl maliyyə"nin cəlbi ilə bağlı əsas maneələr açıqlanıb

WUF13 çərçivəsində süni intellekt üzrə gənclər müsabiqəsinə 30 ölkədən 285-dən çox müraciət daxil olub