100-dən çox ölkədə aparılan iqlim fəaliyyətinin qiymətləndirilməsinin nəticələri COP29-da açıqlanacaq.

“APA-Economics” xəbər verir ki, bunu EUROSAI-ın Ətraf Mühitin Auditi üzrə İşçi Qrupunun illik toplantısında çıxışı zamanı Hesablama Palatasının sədri Vüqar Gülməmmədov deyib.

O bildirib ki, INTOSAI-a hazırda sədrlik edən Braziliya Ali Audit Orqanı (AAO) İNTOSAI-ın Ətraf Mühitin Auditi üzrə İşçi Qrupu ilə birlikdə ekspertlərin və beynəlxalq təşkilatların (BMT-nin İqtisadi və Sosial Məsələlər üzrə Departamenti (UNDESA), Dünya Bankı, BMT-nin İnkişaf Proqramı (UNDP) və s.) dəstəyi ilə İqlim Skaneri adlı təşəbbüsə başlayıb.

“İqlim Skaneri aləti 100-dən çox AAO tərəfindən iqlim dəyişikliyinin qarşısının alınması istiqamətində hökumət tərəfindən görülən işlərin qiymətləndirilməsini nəzərdə tutur. Hazırkı tarixə müxtəlif AAO-lar, o cümlədən Hesablama Palatası tərəfindən aparılan qiymətləndirmənin nəticələri icmallaşdırılması üçün müvafiq sistemə daxil edilib”- HP sədri qeyd edib.

Vüqar Gülməmmədov əlavə edib ki, qeyd olunan məsələdən irəli gələrək COP29 çərçivəsində 14 noyabr tarixində Hesablama Palatası və INTOSAI-ın təşkilatçılığı ilə “Hökumətlər iqlim sahəsində fəaliyyətlərində hansı mərhələdədirlər? – İqlim Skaneri qiymətləndirməsinin nəticələri” adlı tədbir keçiriləcək. Tədbirin beynəlxalq qurumlar, hökumət, parlament təmsilçiləri ilə yanaşı, bu sahədə böyük audit təcrübəsinə malik bəzi xarici ölkələrin AAO-larının nümayəndələrinin iştirakı ilə keçirilməsi nəzərdə tutulur.

Oxşar xəbərlər

Bakıda COP29 çərçivəsində ClimateScanner layihəsinin nəticələri təqdim ediləcək [xfgiven_updateblue][/xfgiven_updateblue]

Hesablama Palatası ekoloji sahədə keçirdiyi auditləri açıqlayıb [xfgiven_updateblue][/xfgiven_updateblue]

Elmar Məmmədov: İqlim Maliyyəsi üzrə Fəaliyyət Fondunun yaradılması nəzərdə tutulub [xfgiven_updateblue][/xfgiven_updateblue]

Praqada ATƏT-in Forumu çərçivəsində COP29-a həsr olunmuş tədbir təşkil olunub [xfgiven_updateblue][/xfgiven_updateblue]

Vladanka Andreeva: Biz hər kəsin iqlim məsələlərinə öz töhfəsini vermək üçün səfərbər olduğunu görürük [xfgiven_updateblue][/xfgiven_updateblue]