Ötən il Azərbaycanda 30 601 təsərrüfatda mövcud olan 579,0 min arı ailəsindən 5166,3 ton bal, 132,1 ton mum, 8,5 ton vərəmum, 16,8 ton güləm və 239,3 kq arı südü əldə olunub.

Bu barədə "APA-Economics"ə Dövlət Statistika Komitəsindən bildirilib.

Məlumata görə, istehsalçılar üzrə balın 1 kiloqramının orta satış qiyməti 28,6 manat, mumun - 16,5 manat, vərəmumun - 109,7 manat, güləmin - 140,9 manat, arı südünün 1 qramının orta satış qiyməti isə 7 manat olub.

2023-cü illə müqayisədə 2024-cü ildə arı ailələrinin sayı 3,1% azalıb, bal istehsalı 13,5%, güləm istehsalı 88,8% artıb, mum istehsalı 23,5%, vərəmum istehsalı 43%, arı südü istehsalı 14,9%, arıçılıqla məşğul olan təsərrüfatların hər birinə orta hesabla düşən arı ailələrinin sayı isə 2,4% azalıb. Arı ailələrinin sayında və bəzi arıçılıq məhsullarının istehsalında azalma əsasən arı xəstəlikləri ilə əlaqədar olub.

Oxşar xəbərlər

Azərbaycanda aqrar sektor 1.5 % böyüyüb

Azərbaycanda ötən il sənaye istehsalı 64 mlrd. manatı ötüb

Bu il Azərbaycanda kərə yağı istehsalı idxaldan çox olub

Sənaye istehsalı artıb

Azərbaycanda bu il sənaye istehsalı 53 mlrd. manatı ötüb