Avropa Komissiyasının sədri Ursula fon der Lyayenin Cənubi Qafqaza səfəri Ermənistanla Azərbaycan arasındakı sülh prosesi və Avropa İttifaqının (Aİ) regional əlaqəliliyin inkişafı üzrə səyləri kontekstində nəzərdən keçirilməlidir.

"Sizinxeber.az"un Avropa bürosu xəbər verir ki, bunu Brüsseldə keçirilən brifinqdə Avropa Komissiyasının mətbuat xidmətinin rəhbəri Paula Pinyo bildirib.

Fon der Lyayenin səfəri ilə bağlı sualı cavablandıran Pinyo qeyd edib ki, bu gün Avropa Komissiyası rəhbəri Azərbaycanda, sabah isə Ermənistanda danışıqlar aparacaq.

Səfərdə Ursula fon der Lyayeni genişlənmə məsələləri üzrə komissar Marta Kos müşayiət edəcək.

Pinyonun sözlərinə görə, regional səfər Azərbaycan və Ermənistan arasında "tarixi" sülh sazişinin paraflanmasından sonra baş tutur və Aİ regionda nəqliyyat və enerji əlaqəliliyinin inkişafına kömək etməyə çalışır.

"Əlaqəlilik dedikdə, mən energetika və nəqliyyatı nəzərdə tuturam. Bu, insanların yaxınlaşmasında və inteqrasiyanın təmin edilməsində həlledici rol oynaya bilər", - o, Aİ-nin regiona yanaşmasını ümumiləşdirərək bildirib.

Oxşar xəbərlər

Ursula fon der Lyayen iyulun 1-də Azərbaycana səfər edəcək

Pinyo: Aİ Britaniya ilə birgə sammit keçirilməsi planlarını nəzərdən keçirir

Pinyo: Aİ Ukrayna üçün kreditin tezliklə blokdan çıxarılacağını gözləyir

Fon der Lyayen Ermənistanla əlaqəlilik üzrə tərəfdaşlığın imzalandığını açıqlayıb

Avropa Komissiyası: Ukrayna xalqı tələb etməyənə qədər ölkədə seçkilərə ehtiyac yoxdur