Peru Konqresində fəaliyyət göstərən Peru-Azərbaycan parlamentlərarası dostluq qrupunun rəhbərinin təşəbbüsü ilə bu ölkənin Konqresi Azərbaycan Xalq Cümhuriyyətinin yaranmasının 108-ci ildönümü münasibətilə dünya azərbaycanlılarına ünvanlanan təbrik bəyanatı qəbul edib.

Bu barədə "Report"a Azərbaycanın Perudakı Səfirliyindən bildirilib.

Bəyanatda Azərbaycan Xalq Cümhuriyyətinin bütün vətəndaşlara bərabər hüquqlar təmin edən respublika olmaqla, Şərqin ilk demokratik dövləti olduğu vurğulanır. Eyni zamanda, Azərbaycanda bütün dinlərin və etnik qrupların sülh və qarşılıqlı anlaşma şəraitində yaşadığı qeyd edilir.

Sənəddə bildirilir ki, Azərbaycan Respublikası iqtisadiyyat, enerji, texnologiya, təhsil və sosial sahələrdə mühüm nailiyyətlər əldə edib, hazırda isə Qafqaz regionunda lider mövqeyini daha da möhkəmləndirərək beynəlxalq əlaqələrini genişləndirir.

Bəyanatda həmçinin Azərbaycan ilə Peru arasında diplomatik münasibətlərin 1996-cı ildə qurulduğu və respublikamızın Peru üçün mühüm tərəfdaş olduğu vurğulanır.

Oxşar xəbərlər

Peru Konqresi Azərbaycanın müstəqilliyinin ildönümü münasibətilə bəyanat qəbul edib

Peru Konqresi Azərbaycanın müstəqilliyinin 107-ci ildönümü münasibətilə bəyanat qəbul edib

Azərbaycan Prezidenti perulu həmkarını Müstəqillik Günü münasibətilə təbrik edib

Prezident İlham Əliyev perulu həmkarını təbrik edib

Azərbaycan lideri Peru Respublikasının Prezidentini təbrik edib