Qazaxıstanın Şıment şəhərində polis fərdi evdən 83 vedrə marixuana müsadirə edib.

Bu barədə “Sizinxeber.az” Qazaxıstan KİV-ə istinadən xəbər verir.

“Əməliyyat-istintaq tədbirləri zamanı polis şöbəsi əməkdaşları tərəfindən marixuana formasında narkotik vasitələr istehsal edən fitolaboratoriyanın fəaliyyəti dayandırılıb. Xüsusi təchiz olunmuş otaqda qanunsuz dövriyyədən 83 ədəd vedrədə, marixuana müsadirə edilib, eləcə də plastik torbalarda qablaşdırılmamış narkotik vasitələr və elektron tərəzilər aşkar edilərək müsadirə edilib”, - məlumatda deyilir.

Əməliyyat prokurorluğun koordinasiyası ilə həyata keçirilib. Təşkilatçı saxlanılaraq nəzarətə götürülüb.

Qazaxıstan Cinayət Məcəlləsinin iki maddəsi ilə ibtidai istintaq aparılır. Bu maddələrə görə əmlakı müsadirə olunmaqla 7 ildən 12 ilədək müddətə azadlıqdan məhrumetmə cəzası nəzərdə tutulur.

Oxşar xəbərlər

Qazaxıstan Prezidenti narkotik cinayətlərinə görə ömürlük həbs cəzasını nəzərdə tutan qanunu imzalayıb

Polis əməkdaşları bir gündə 66,4 kiloqramdan çox narkotik vasitə aşkarlayıb

Müsadirə edilmiş narkotik vasitələr bir neçə komissiya tərəfindən məhv ediləcək

Ölkə ərazisində 31 kq-dan çox narkotik aşkarlanıb

Keçmiş məhkumdan narkotik vasitələr götürülüb