“Sanksiyaların ləğvi halında Tehran nüvə obyektlərinə nəzarətin artırılmasına icazə verə bilər”.

“Report”un xəbərinə görə, bunu İranın xarici işlər naziri Abbas Əraqçi “SNN” telekanalına açıqlamasında deyib.

“Biz öz hüquqlarımızdan əl çəkmirik, lakin sanksiyalar aradan qaldırılarsa, nüvə fəaliyyətlərinin şəffaflığını artırmaq üçün tədbirlər görə bilərik”,-deyə, o bildirib.

Əraqçi həmçinin vurğulayıb ki, ölkəsinin nüvə proqramı ilə bağlı Birgə Hərtərəfli Fəaliyyət Planı (JCPOA) hələ ölməyib, lakin onu bərpa etmək mümkün deyil.

O, həmçinin qeyd edib ki, JCPOA-nın sanksiyalarla bağlı bəzi aspektlərinə yenidən baxılmalıdır.

Bundan əlavə, ABŞ-la danışıqların yeni mərhələsini şərh edən Əraqçi qeyd edib ki, əgər Vaşinqton uranın zənginləşdirilməsini tamamilə dayandırmaqda israr etməyə davam edərsə, heç bir razılaşma əldə olunmayacaq.

Oxşar xəbərlər

İran XİN başçısı: Uranın zənginləşdirilməsi prinsipi ABŞ ilə müzakirə mövzusu deyil

İran nüvə danışıqlarını müzakirə etmək üçün ABŞ-yə şərt qoyub

XİN: İran ABŞ ilə təzyiq altında danışıqlar aparmaq niyyətində deyil

Bayden İsrailin İranın nüvə obyektlərinə zərbələrini dəstəkləməyib

BAEA rəhbəri İranın nüvə obyektlərinə baş çəkib