Türkiyə Prezidenti Rəcəb Tayyib Ərdoğan və Pakistanın Baş naziri Şahbaz Şərif arasında telefon danışığı baş tutub.

"Report" bu barədə Türkiyə mətbuatına istinadən xəbər verir.

Söhbət zamanı Hindistan və Pakistan arasındakı gərginlik, mayın 6-na keçən gecə baş verən hücum və hazırkı hadisələr müzakirə edilib.

Ərdoğan Türkiyənin Pakistanla həmrəy olduğunu bildirib, hücumda həlak olan pakistanlılara Allahdan rəhmət, yaralılara isə şəfa diləyib.

O, Türkiyənin bu prosesdə Pakistanın təmkinli siyasətini dəstəklədiyini, Cammu və Kəşmirdəki terror aktı ilə bağlı qərəzsiz, şəffaf və etibarlı beynəlxalq araşdırma aparılması təklifinin məqsədəuyğun olduğunu bildirib.

Ərdoğan Türkiyənin gərginliyin artmasının qarşısını almaq üçün əlindən gələni etməyə hazır olduğunu və bu mövzuda diplomatik təmasların davam etdiriləcəyini deyib.

Oxşar xəbərlər

Rəcəb Tayyib Ərdoğan Şahbaz Şəriflə telefon danışığı aparıb

Ərdoğan Rəisi ilə telefonla danışıb, terror aktı ilə bağlı başsağlığı verib

Türkiyə Prezidenti və Pakistanın Baş naziri COP29-da iştirak edəcəklər

Ərdoğan: Azərbaycan və Pakistanla birlikdə yeni addımlar atacağıq

Ərdoğan Şahbaz Şəriflə regional məsələləri müzakirə edib