Rusiyanın paytaxtı Moskva vaxtı ilə saat 03:39-da (Bakı vaxtı ilə 04:39 - red.) “Şeremetyevo” və “Vnukovo” hava limanlarında təyyarələrin eniş-uçuşuna qoyulan məhdudiyyətlər götürülüb.

“Report” TASS-a istinadən xəbər verir ki, bu barədə “Rosaviasiya” məlumat yayıb.

"Şeremetyevo və Vnukovo hava limanlarında Moskva vaxtı ilə saat 03:39-da (Bakı vaxtı ilə 04:39 - red.) hava gəmilərinin enişi və uçuşu ilə bağlı məhdudiyyətlər götürülüb. Məhdudiyyətlər mülki təyyarələrin uçuşlarının təhlükəsizliyini təmin etmək məqsədilə tətbiq olunub", - məlumatda deyilir.

Paytaxtın “Domodedovo” və “Jukovski” hava limanlarında, eləcə də Kaluqa, Volqoqrad, Saratov və Samara hava limanlarında təyyarələrin enişi və uçuşu ilə bağlı məhdudiyyətlər qüvvədə qalır.

Başqa şəhərlərdən Rusiyanın paytaxtı Moskvaya uçan azı 10 təyyarə paytaxt hava limanlarının fəaliyyətinə qoyulan məhdudiyyətlər səbəbindən müvəqqəti olaraq Nijni Novqorod və Sankt-Peterburq hava limanlarına enişə istiqamətləndirilib.

Bu barədə "Report" TASS-a istinadən xəbər verir.

Xüsusən Dalaman, Antalya, Soçi, Belqrad, Kalininqrad, Sankt-Peterburq, Hurqada, İstanbul və Dubaydan uçuşlara aiddir. “Məhdudiyyətlər aradan qaldırıldıqdan sonra təyyarələr təyinat yerinə çatacaq”, - informasiya xidmətlərinin nümayəndələri izah ediblər.

Qeyd edək ki, bundan əvvəl “Rosaviasiya” mülki təyyarələrin uçuşlarının təhlükəsizliyini təmin etmək məqsədilə yerli vaxtla saat 00:57-dən (Bakı vaxtı ilə saat 01:57) etibarən “Vnukovo”, “Domodedovo” və “Jukovski” hava limanlarının fəaliyyəti üçün müvəqqəti məhdudiyyətlərin tətbiq edildiyini bildirib. Yerli vaxtla saat 01:15-dən (Bakı vaxtı ilə saat 02:15) etibarən “Şeremetyevo” hava limanında da analoji məhdudiyyətlər qüvvədədir. "Hava limanları müvəqqəti olaraq reysləri qəbul etmir və ya göndərmir", - qurumun açıqlamasında deyilir.

Oxşar xəbərlər

Moskva aeroportlarında PUA hücumu səbəbindən müvəqqəti məhdudiyyətlər tətbiq edilib

Moskvaya uçan azı 10 təyyarə Nijni Novqorod və Sankt-Peterburqa enib

Rusiyada üç hava limanının fəaliyyətinə məhdudiyyətlər tətbiq edilib - YENİLƏNİB

"Rosaviasiya": Kazan, Nijnekamsk və Ulyanovsk aeroportları fəaliyyətini bərpa edib - YENİLƏNİB

Rusiya aeroportlarının fəaliyyətində məhdudiyyətlər tətbiq edilib - PUA hücumu təhlükəsi