Ermənistanın yeni konstitusiyasının mətni 2026-cı il seçkilərinə qədər hazır olmalıdır.

“Report” Ermənistan mətbuatına istinadən xəbər verir ki, bunu ölkənin ədliyyə naziri Srbui Qalyan 2024-cü ilin yekununa həsr olunmuş mətbuat konfransında bildirib.

O, bunu qurumun prioritet vəzifəsi olduğunu bildirib.

Baş nazir Nikol Paşinyan 2024-cü il yanvarın 18-də Ədliyyə Nazirliyinin əməkdaşları ilə görüşündə bildirib ki, ölkəyə mövcud parlament idarəetmə formasını saxlamaqla yeni konstitusiya lazımdır. O, bunun zəruriliyini dünyada, regionda və Ermənistanda baş verən dəyişikliklərlə izah edib və əlavə edib ki, ölkəyə "heç kimin şübhə etmədiyi" konstitusiya lazımdır.

Qeyd edək ki, rəsmi Bakı sülh sazişinin imzalanması üçün Ermənistanın öz konstitusiyasında Azərbaycana qarşı ərazi iddialarını aradan qaldırmaq üçün dəyişikliklər etməli olduğunu bəyan edib.

2024-cü il sentyabrın 27-də Paşinyan BMT Baş Assambleyasının iclasında Azərbaycanla sülh sazişinin imzalanması üçün Ermənistan Konstitusiyasının dəyişdirilməsi mümkünlüyündən danışıb.

Oxşar xəbərlər

Nazir: Ermənistanın yeni konstitusiyaya ehtiyacı var, 2027-ci ildə referendum keçirilə bilər

Paşinyan: Ermənistanın Müstəqillik Bəyannaməsi Azərbaycanla sülhə maneədir

Ermənistan Azərbaycanla sülhdən niyə qaçır? - Nazirdən Bakının tələbinə eyham - ŞƏRH

Ekspert Onnik Krikoryan: Ermənistan vətəndaşlarının 88 faizi dəyişikliyə qarşı çıxa bilər

Ermənistan üçün seçim vaxtı: sülh, yoxsa gərginlik? - ŞƏRH