Ukraynadakı müharibə son mərhələyə qədəm qoyur. Döyüşləri sona çatdırmaq üçün razılaşma həmişəkindən daha real görünür.

“Sizinxeber.az” xəbər verir ki, bu barədə ABŞ-nin “New York Times” nəşri yazıb.

Həmçinin bildirilib ki, Ukrayna Prezidenti Volodimir Zelenski ölkəsinin NATO-ya üzv olmasını istəyir:

“Lakin bu, yəqin ki, qeyri-mümkün olaraq qalacaq. Çünki alyansın azı 7 ölkəsi Ukraynanın üzvlüyünə qarşıdır. Onlar üzvlüyü qeyri-müəyyən müddətə təxirə salmağı təklif edirlər”.

Qeyd olunub ki, Ukraynanın müdafiəsini təmin etməyə hazır olan koalisiyanın yaradılması mümkündür: “Ancaq ABŞ-nin iştirakı olmadan belə bir razılaşma etibarlı olmayacaq. Ölkənin yeni seçilmiş prezidenti Donald Trampın isə belə bir sazişi imzalaması ehtimalı yoxdur”.

Nəşrin yazdığına görə, Ukraynanın coğrafi baxımdan təhlükəsizliyi amerikalılar üçün deyil, avropalılar üçün vacibdir: “Artıq Avropanın bir neçə ölkəsi müharibədən sonra öz qoşunlarını Ukraynada yerləşdirmək variantını müzakirə edir”.

Xatırladaq ki, Rusiya ilə Ukrayna arasında genişmiqyaslı müharibə 2022-ci il fevralın 24-də başlayıb.

Oxşar xəbərlər

NATO-nun bir neçə ölkəsi Ukraynanın alyansa üzvlüyünə qarşıdır

Finlandiya Ukraynanın hava hücumundan müdafiəsini gücləndirməyə kömək etməyə hazırdır

Zelenski münaqişə zamanı Ukraynanın NATO-ya daxil olması variantını təklif edib