ABŞ hakimiyyəti Gürcüstanda 20-yə yaxın şəxsə “demokratik normaları pozduqları” üçün viza məhdudiyyəti tətbiq edəcək.

“Sizinxeber.az” xəbər verir ki, bu barədə ABŞ Dövlət Departamentinin mətbuat xidmətinin rəhbəri Metyu Millerin yaydığı yazılı açıqlamada deyilir.

Qeyd olunub ki, viza məhdudiyyəti Gürcüstan hökumətində nazir vəzifələrində çalışanlar, parlament üzvləri, hüquq-mühafizə və təhlükəsizlik orqanlarının əməkdaşları, habelə ayrı-ayrı şəxslərə şamil olunacaq. Açıqlamada şəxslərin adları və vəzifəsi göstərilməyib.

Bəyanatda deyilib ki, Amerika Birləşmiş Ştatları sanksiyalar da daxil olmaqla əlavə tədbirlər də hazırlayır. Departament aydınlaşdırıb ki, əvvəllər Amerika tərəfi artıq 100-dən çox insanı əhatə edən məhdudiyyətlər tətbiq edib. Bunlar “Gürcü Arzusu” partiyası ilə əlaqəli insanlar, eləcə də onların ailə üzvləridir.

Oxşar xəbərlər

ABŞ Gürcüstanda bir sıra məmurlara qarşı viza məhdudiyyəti tətbiq edir

ABŞ Gürcüstanın 4 vətəndaşına qarşı sanksiyalar tətbiq edib

ABŞ Rusiya hakimiyyətinin 17 nümayəndəsinə viza məhdudiyyəti tətbiq edib

KİV: ABŞ “Gürcü Arzusu” partiyasının təsisçisinə qarşı sanksiyalar hazırlayır

ABŞ Çinin bir sıra strukturlarına sanksiyalar tətbiq edib