ABŞ ballistik raketlərin hazırlanması ilə bağlı avadanlıq və texnologiyanı Pakistana ötürdükləri iddiası ilə Çin qurumlarına sanksiyalar tətbiq edib.

“Report” TASS-a istinadən xəbər verir ki, bu barədə Dövlət Departamentinin mətbuat xidmətinin rəhbəri Metyu Miller yazılı açıqlamasında bildirib.

Onun sözlərinə görə, Amerikanın xarici siyasət idarəsi ballistik raketlərin və raketlə bağlı avadanlıqların, habelə tənzimlənən texnologiyaların yayılmasında iştirak edən beş quruma və bir fiziki şəxsə qarşı tədbirlər görür.

Məlumata görə, sanksiyalar Çinin “Hubei Huachangda Intelligent Equipment Company”, “Universal Enterprise Limited” və “Lontek” firmalarına, eləcə də Çində maşınqayırma sahəsində avtomatlaşdırma ilə məşğul olan instituta qarşı tətbiq edilir.

Bundan əlavə, Dövlət Departamentinin məlumatına görə, Pakistanda “Innovative Equipment” şirkətinə qarşı məhdudiyyətlər tətbiq edilir.

Oxşar xəbərlər

Almaniya, Fransa və Britaniya “Iran Air”ə qarşı sanksiyalar tətbiq edəcək

ABŞ “Iran Air” aviaşirkətini sanksiyalar siyahısına əlavə edib

ABŞ Hindistanın iki şirkətinə sanksiyalar tətbiq edib