Rusiyanın Novosibirsk vilayətinin Moşkovski rayonundakı magistral yolda sərnişin avtobusu və yük maşını toqquşub, 11 nəfər xəsarət alıb.

“Sizinxeber.az”un məlumatına görə, bu barədə region hökuməti teleqram kanalında xəbər verib.

"Bir azyaşlı da daxil olmaqla 11 zərərçəkənin tibbi yardıma ehtiyacı yaranıb", - regional Səhiyyə Nazirliyindən bildirilib.

Zərərçəkənlərdən dördü qəza yerindən təcili yardım maşınlarında aparılıb, daha yeddisi isə özləri tibbi yardım üçün müraciət ediblər.

Məlumata görə, qəza zamanı heç kim ağır xəsarət almayıb. Daxili İşlər Nazirliyinin Regional İdarəsindən isə bildirilib ki, avtobus yük maşını ilə toqquşduqdan sonra xəndəyə düşüb. Hadisə zamanı salonda 45 sərnişin olub.

Qəza ilə bağlı araşdırma aparılır.

Oxşar xəbərlər

Rusiyada yük maşını avtobusla toqquşub, ölən və yaralılar var

Sabunçu rayonunda sərnişin avtobusu qəzaya düşüb, xəsarət alan var

Türkiyədə 10 avtomobil toqquşub, 18 nəfər xəsarət alıb  

Bakıda sərnişin avtobusu qəzaya uğrayıb, xəsarət alan var