Rusiya Federasiyasının Krasnodar vilayətində yük maşını ilə avtobusun toqquşması nəticəsində 1 nəfər ölüb, 29 nəfər yaralanıb.

“Report”un məlumatına görə, bu barədə Rusiya Daxili İşlər Nazirliyinin Krasnodar diyarı üzrə Baş İdarəsi yayıb.

Qeyd olunub ki, “MAN” markalı yük avtomobili “Yutong” markalı avtobusla toqquşub. Qəzadan sonra hər iki nəqliyyat vasitəsi yanıb.

Vurğulanıb ki, sərnişin avtobusunda 49 sərnişin olub. Onların hamısı yanan maşından xilas ola bilib.

Lakin avtobusda olan 31 sərnişin, o cümlədən üç uşağa tibbi yardım göstərilib. Qəza nəticəsində yük maşınının sürücüsü dünyasını dəyişib. Faktla bağlı araşdırma aparılır.

Oxşar xəbərlər

Hindistanda avtobus yük avtomobili ilə toqquşub, 15 nəfər ölüb

Qubada mikroavtobus avtomobillə toqquşub, ölən və yaralılar var